Ortalyq kommýnikatsiialar qyzmetinde ótken baspasóz máslihatynda BAQ ókilderi Ishki ister ministri Qalmuhanbet Qasymovqa bir vedomstvo basynda qanshama jyl otyrǵanyn aityp, otstavkaǵa qashan ketetinin surady, dep habarlaidy Baq.kz tilshisi.
«Uzaq jyl otyrǵanyma qatysty aitsam, 7,5 jyl bolyp qaldy. Úsh ret Úkimet quramynan ketip, úsh ret qaita keldim. Úkimet aýysqannan keiin bárimiz baianat tapsyryp, otstavkaǵa kettik. Sodan soń bizdi qaita taǵaiyndady», - dedi Ishki ister ministri Qasymov.
Eske sala ketsek, vedomstvo basshysy Denis Tenniń óliminen keiin halyqtyń otstavka talap etýine qatysty jaýap berdi.
«Biz - áskeri adamdarmyz. Qaida buiyrsa, sonda jumys isteimiz. Úkimet qalai sheshedi, solai bolady», - dep aitty ministr.
Aita ketsek, 2011 jyldyń 11 sáýirinde Ishki ister ministri laýazymyna Qalmuhanbet Qasymov kelgen bolatyn. Sodan beri ózi aitqandai 7,5 jyl ótken.
Eske sala ketsek, Qasymov Denis Ten ólimine kúdiktilerdi ustaýǵa qatysty málimettiń bárin Prezidentke baiandap otyrǵanyn aitty.
2018 jyldyń 19 shildesinde Almatyda mánerlep syrǵanaýshy Denis Ten avtokólik urylarynyń qolynan qaza tapqan bolatyn.
Sportshyny óltirdi degen kúdikpen Nuraly Qiiasov jáne Arman Qudaibergenov qamaýǵa alyndy.
