Shardarada alǵashqylardyń biri bolyp aýyl sharýashylyǵy óndiristik kooperativin qurǵan azamat – Músálim Bazarbaev aqsaqal. Uzaq jyldan beri egin egýmen shuǵyldanyp kele jatqan kánigi diqan aýyl sharýashylyǵy salasynda bolyp jatqan jańalyqtar men ózgeristerdi qalt jibermei qadaǵalap otyrady. Ózi de tynbaityn, ózgege de tynym bermeitin qariia buǵan deiin «Bereke 1» SPK-syn qurǵan bolatyn. Quramyndaǵy sharýa qojalyqtarymen birlese otyryp, 878 gektar alqapqa Qyzylqum kanalynan sý shyǵarǵan Músekeńniń jankeshti eńbegin búkil shardaralyqtar maqtan etip aitady.
Sharýa qojalyqtaryn irilendirip, bir jerden basqarýdy ońtailandyrýǵa, sóitip, ónimdilikti arttyrýǵa baǵyttalǵan «Aýyl sharýashylyǵy óndiristik kooperativterin qurý týraly» zań shyqqanda Músálim aqsaqal birden quptaǵan edi.
– Elbasymyz aýyl halqynyń jaǵdaiyn arttyrýǵa basa nazar aýdaryp otyr. Sharýalardyń igiligi úshin kooperativterge biriktirý júiesi qoldanysqa engizilgende qatty qýandym. Keiin «Máriiam» aýyl sharýashylyǵy óndiristik kooperativin qurdyq, — deidi Músálim Bazarbaiuly.
Qazirgi tańda «Máriiam» AÓK-inde 80-nen astam sharýa qojalyǵy múshesi bar. Kooperativ músheligine qala men Jaýshyqum, Q.Turysbekov jáne Qosseiit eldi mekenderiniń sharýalary kiripti. Olardyń teń jartysy mal sharýashylyǵymen ainalyssa, jartysy jer tósin emgen diqandar.
Músekeń qazirgi tańda mal soiatyn alań salýdy bastap jatyr. «Aýyl sharýashylyǵyn qarjylai qoldaý qory» AQ arqyly 11 mln. teńge jeńildetilgen nesie qarjyǵa qol jetkizip, oǵan mal soiýǵa arnalǵan apparattar satyp aldy. Tońazytqysh, laboratoriialyq tsehtyń kerek-jaraqtary, basqa da qajet dúnielerge taǵy da nesie almaqshy. Músálim aqsaqaldyń jospary boiynsha kelesi jyldyń basynan bastap nesie qarjy qolǵa tise, mal soiý alańyn iske qosady.
– Bordaqylanǵan maldyń etin ózimizde óndirýdiń jolyn qolǵa almaqpyn. Ol jerde jumys isteitin tehnolog mamandardy da oilastyryp qoidym. Daiyn etten shujyq, konservi jasap shyǵarý, sút ónimderin óńdeý, qus fermasyn salý siiaqty sharýalardy biznes-josparǵa engizgenmin. Keleshekte 200 adamdy jumyspen qamtyp, osyndai kópsalaly óndiris ornyn ashamyn dep otyrmyn. Qazir 75-ke keldim. Úide zeinetaqymdy alyp, tynysh qana jatsam da bolady. Biraq, men olai ete almaimyn. Memleketimiz sharýalarǵa múmkindikti berip otyrǵanda úide qarap jatqym kelmeidi, — deidi Músálim aqsaqal.
Aitpaqshy, biylǵy jyldyń ózinde 30-ǵa tarta kooperativ múshelerine sýbsidiia alyp beripti. Irilengenniń arqasynda is alǵa jyljyp jatqanynyń bir belgisi osy.
Ádil ÁBDIRAMANOV, «Ońtústik Qazaqstan»
Shardara qalasy
