sýret ashyq derekkózden alyndy
Astana qalasy Saryarqa aýdanynyń №2 soty MMM Investment Eden life7 qarjy piramidasynyń isi boiynsha úkim shyǵardy, - dep habarlaidy Tengrinews.kz saity.
Sot málimetinshe, 2020 jyldyń qarashasynan 2022 jyldyń qańtaryna deiin Qazaqstandaǵy MMK Investment jáne Eden Life7 qarjy piramidasyn T. jáne S. basqarǵan.
"Olar WhatsApp jáne Telegram arqyly investitsiialyq baǵdarlamalar júzege asyrylyp jatqany týraly jalǵan aqparat taratyp, áleýetti investorlardy kompaniiaǵa qarajat salýǵa úgittep otyrǵan. Jinalǵan qarajat kólemi 718 million teńge 691 myń dollardan asady", - dep habarlady sottyń baspasóz qyzmeti.
Prokýror aiyptalýshylardy segiz jylǵa bas bostandyǵynan aiyrýdy surady. Aiyptalýshylar kinálaryn moiyndamady, advokattary sottan qylmystyq isti toqtatýdy surady.
"Sottalýshylar T. jáne S-nyń kinási jábirlenýshilerdiń, kýálardyń aiǵaqtarymen, ekonomikalyq saraptama jáne istiń basqa materialdarymen dáleldendi. Sottalýshy T-ǵa alty jylǵa bas bostandyǵynan aiyrý jazasy kesildi, al sottalýshy S-nyń jasy (65 jas) men densaýlyq jaǵdaiy eskerilip, bes jylǵa bas bostandyǵynan aiyryldy", - delingen habarlamada.
Sottalǵandar jeti jyl merzimge qarjy uiymdarynda jáne azamattardan qarajat tartatyn kompaniialarda basshy qyzmetin atqarý quqyǵynan aiyryldy.
