Foto: rikatv.kz
Qylmystyq is boiynsha aqtalǵan Aqtóbe ákiminiń orynbasary sotta óz quqyǵyn qorǵap shyǵyp, 5 million teńge alatyn boldy, - dep habarlaidy Massaget.kz portaly.
2020 jyly qala ákiminiń orynbasary Jangeldi Áýbákirov, kommýnaldyq sharýashylyq bólimi basshysynyń mindetin atqarýshy Nurlan Dosov jáne "Tabys" JShS-niń úsh qyzmetkeri 90 million teńgeni urlaý deregi boiynsha qylmystyq istiń figýranttary boldy.
Tergeý málimetteri boiynsha, osy qarajattyń bir bóligine Áýbákirovke "Leksýs", qyzmettik kabinetine kreslo satyp alǵan. Aiyptalýshylar kinásin moiyndamady. Sot Dosov pen Áýbákirovti 7 jylǵa bas bostandyǵynan aiyrdy, taǵy úsh sottalýshy 5-6 jyldan jaza aldy. Alaida sońynda sottalǵandar Joǵarǵy sotqa deiin jetip, aqtalyp shyqty jáne olardyń qylmys jasamaǵany dáleldendi.
Ákimniń aqtalǵan orynbasary sotqa zańsyz qylmystyq sottylyqtan zardap shekkeni úshin 100 million teńgeni óndirip alý týraly shaǵym túsirgen.
Sýdia Gaýhar Oralbai talapkerdiń paidasyna sheshim shyǵardy, biraq onyń talaptarynyń mólsherin edáýir azaitty. Ol Qarjy ministrligin zańsyz úkimnen túsken moraldyq shyǵyn úshin Áýbákirovke 5 million teńge tóleýge mindettedi.
