Investitsiialar jáne damý ministri Jeńis Qasymbek ministrlik pen Ulttyq bank jańa ipotekalyq baǵdarlamany iske asyrý mehanizmin úkimettiń kelesi otyrysyna deiin darialaýy kerektigin aitty, - dep habarlaidy kaz.tengrinews.kz tilshisi.
"Baspana satyp alǵysy nemese ony jaqsartqysy keletin azamattardy yntalandyrý kerek, sondyqtan premer-ministr naqty ýaqytty belgiledi. Biz Ulttyq bankpen birge bir apta ishinde osy máseleni júzege asyrýdyń naqty mehanizmin daiarlaýymyz qajet", - dedi Qasymbek.
Onyń sózinshe, jekemenshik bankterdi Turǵyn úi qurylys jinaq banki nemese jańa ipotekalyq kompaniia sharttary boiynsha jumys isteýge mindetteý múmkin emes.
"Keshe Elbasy aitqandai, jańa kompaniia jumys isteitin sharttar - 7 paiyz. Alǵashqy jarna - 20 paiyz jáne kredit merzimi - 25 jyl. Árine búgingi kúnmen salystyrǵanda, TÚQJB-nyń ózinde bastapqy jarna 30-dan 50 paiyzǵa deiin. Bul azamattardy qoljetimdi baspanamen qamtamasyz etýde úlken serpin bolmaq, óitkeni, 7 paiyz qazirgi naryqtaǵydan eki ese tómen. Jekemenshik bankterde 30, 50 paiyzǵa deiin barady, al munda tek 20 paiyz", - dep jalǵastyrdy ministr.
Ministrdiń pikirinshe, Elbasynyń bastamasy ipotekalyq kredit berý naryǵyn, qurylys salasyn jáne qurylys materialdaryn óndirýdi damytýǵa yqpal etedi.
"Turǵyn úi qurylys jinaq banki - elimizdegi ipotekanyń shamamen úshten ekisi. Naryqta taǵy bir kompaniianyń paida bolýy básekelestikti arttyrady. Munda qalyń kezekter bolatynyn túsinemiz. Keshe Elbasy naqty somany belgiledi - úsh trillion teńge. Bul qarjy jetkilikti dep esepteimin", - dep aiaqtady ministr.
Eske salaiyq, Qazaqstan Prezidenti Nursultan Nazarbaev kópshilik úshin baspana ipotekasyn qoljetimdi etetin jańa "7-20-25" baǵdarlamasyn usyndy.
