Qazaqstannyń 7 oblysynda aýa raiynyń kúrt qubylýyna bailanysty eskertý jariialandy, dep habarlaidy "Ult aqparat" «Qazgidromet» RMK baspasóz qyzmetine silteme jasap.
12 qarashada Jambyl oblysynyń kei jerlerinde ońtústik-batys, batystan jel soǵady, kúshi – 15-20, ekpini – 23-28 m/s, oblystyń ońtústik-batysynda 30 m/s jáne odan asady.
12 qarasha kúndizgi mezgilde Qaraǵandy oblysynyń kei jerlerinde jaýyn-shashyn (qar, jańbyr) túsedi. 12-13 qarashada kei jerlerinde tuman, kóktaiǵaq, burqasyn kútiledi. Ońtústik-batystan jel soǵady, kei jerlerinde kúshi – 15-20, ekpini 23-28 m/s bolady.
Qaraǵandy qalasynda 12 qarashada – kóktaiǵaq, burqasyn, tuman bolady, kúndiz ońtústik-batystan jel soǵady: ekpini – 15-20 m/s.
Jezqazǵan qalasynda 12 qarashada tuman, kóktaiǵaq kútiledi.
12 qarasha kúndizgi mezgilde Shyǵys Qazaqstan oblysynyń kei jerlerinde qatty jaýyn-shashyn (jańbyr, qar) kútiledi. Kei jerlerinde tuman, kóktaiǵaq, jaiaý burqasyn kútiledi. Ońtústik-shyǵystan soǵatyn jel ońtústik-batysqa aýysady, kúshi kei jerlerinde – 15-20, ekpini – 23-28 m/s.
Óskemen qalasynda 12 qarashada ońtústik-shyǵystan soǵatyn jel ońtústik-batysqa aýysady, ekpini 15-20 m/s bolady.
Semei qalasynda 12 qarashada ońtústik-shyǵystan soǵatyn jel ońtústik-batysqa aýysady, ekpini 15-20 m/s bolady.
12 qarashada Aqmola oblysynda kei jerlerde tuman, kóktaiǵaq, burqasyn kútiledi. Ońtústik-batystan, batystan jel soǵady, kei jerlerde jyldamdyǵy 15-20 m/s bolmaq.
12 qarashada Qyzylorda oblysynyń kei jerlerinde kóktaiǵaq kútiledi. Batystan jel soǵady, kúshi tańerteń jáne kúndiz kei jerlerde 15-20 m/s bolady.
12 qarashada Aqtóbe oblysynda kei jerlerde tuman, kóktaiǵaq, burqasyn bolady.
12 qarasha Batys Qazaqstan oblysynyń kei jerlerinde tuman, kóktaiǵaq kútiledi.
Jel batystan, soltústik-batystan soǵady, kúshi kúndiz kei jerlerde 15-20 m/s-ǵa jetedi.
Oral qalasynda 12 qarashada túnde jáne tańerteń tuman kútiledi.
