«7-20-25» baǵdarlamasy boiynsha 499,4 mlrd teńgeniń ótinimi maquldandy, dep habarlaidy QazAqparat.
Úkimet otyrysynda Prezident Qasym-Jomart Toqaevtyń daǵdarysqa qarsy bastamalary qalai iske asyp jatqanyn baiandaǵan QR Ulttyq bankiniń tóraǵasy Erbolat Dosaev osyndai statistika keltirdi.
«Ekonomikany qoldaý úshin Memleket basshysynyń daǵdarysqa qarsy bastamalaryn iske asyrý jalǵasyp jatyr. «Qarapaiym zattar ekonomikasy» baǵdarlamasy sheńberinde 10 qyrkúiektegi jaǵdai boiynsha ekinshi deńgeidegi bankter men Agronesie korporatsiiasyna 1,5 trln teńgeniń 3 986 ótinimi kelip tústi. 1 trln teńgeden astam somaǵa 3 356 joba maquldanyp, 879,2 mlrd teńgeniń 3 260 qaryzy berildi», - dedi Erbolat Dosaev.
Sondai-aq, ol «Kásipkerlik sýbektilerine jeńildikpen kredit berý baǵdarlamasynyń» kórsetkishterine toqtaldy.
«Bul baǵdarlama boiynsha barynsha zardap shekken sektorlardaǵy kásiporyndardy qoldaý sheńberinde 10 qyrkúiekte ekinshi deńgeidegi bankterge 1 trln teńgeden astam somaǵa 10 884 qaryz berildi. Onyń ishinde qaitarylatyn qarajat esebinen 438,8 mlrd teńgeniń 5 897 qaryzy berildi. «7-20-25» baǵdarlamasy sheńberinde 9 qyrkúiektegi jaǵdai boiynsha bankter 499,4 mlrd teńgeniń 40 583 ótinimin maquldap, 369,9 mlrd teńge somaǵa 30 706 qaryz berdi», - dep túiindedi Ulttyq bank tóraǵasy.
