«7-20-25» باعدارلاماسى بويىنشا 499,4 ملرد تەڭگەنٸڭ ٶتٸنٸمٸ ماقۇلداندى, دەپ حابارلايدى قازاقپارات.
ٷكٸمەت وتىرىسىندا پرەزيدەنت قاسىم-جومارت توقاەۆتىڭ داعدارىسقا قارسى باستامالارى قالاي ٸسكە اسىپ جاتقانىن بايانداعان قر ۇلتتىق بانكٸنٸڭ تٶراعاسى ەربولات دوساەۆ وسىنداي ستاتيستيكا كەلتٸردٸ.
«ەكونوميكانى قولداۋ ٷشٸن مەملەكەت باسشىسىنىڭ داعدارىسقا قارسى باستامالارىن ٸسكە اسىرۋ جالعاسىپ جاتىر. «قاراپايىم زاتتار ەكونوميكاسى» باعدارلاماسى شەڭبەرٸندە 10 قىركٷيەكتەگٸ جاعداي بويىنشا ەكٸنشٸ دەڭگەيدەگٸ بانكتەر مەن اگرونەسيە كورپوراتسيياسىنا 1,5 ترلن تەڭگەنٸڭ 3 986 ٶتٸنٸمٸ كەلٸپ تٷستٸ. 1 ترلن تەڭگەدەن استام سوماعا 3 356 جوبا ماقۇلدانىپ, 879,2 ملرد تەڭگەنٸڭ 3 260 قارىزى بەرٸلدٸ», - دەدٸ ەربولات دوساەۆ.
سونداي-اق, ول «كەسٸپكەرلٸك سۋبەكتٸلەرٸنە جەڭٸلدٸكپەن كرەديت بەرۋ باعدارلاماسىنىڭ» كٶرسەتكٸشتەرٸنە توقتالدى.
«بۇل باعدارلاما بويىنشا بارىنشا زارداپ شەككەن سەكتورلارداعى كەسٸپورىنداردى قولداۋ شەڭبەرٸندە 10 قىركٷيەكتە ەكٸنشٸ دەڭگەيدەگٸ بانكتەرگە 1 ترلن تەڭگەدەن استام سوماعا 10 884 قارىز بەرٸلدٸ. ونىڭ ٸشٸندە قايتارىلاتىن قاراجات ەسەبٸنەن 438,8 ملرد تەڭگەنٸڭ 5 897 قارىزى بەرٸلدٸ. «7-20-25» باعدارلاماسى شەڭبەرٸندە 9 قىركٷيەكتەگٸ جاعداي بويىنشا بانكتەر 499,4 ملرد تەڭگەنٸڭ 40 583 ٶتٸنٸمٸن ماقۇلداپ, 369,9 ملرد تەڭگە سوماعا 30 706 قارىز بەردٸ», - دەپ تٷيٸندەدٸ ۇلتتىق بانك تٶراعاسى.
