«7-20-25» baǵdarlamasynyń boryshkerleri ai saiynǵy ipotekalyq tólemderin merziminen keshiktermei tólep keledi.
2018 jyly ai saiynǵy ortasha tólem 55 myń teńgeni quraǵan. Qaryz alýshylardan túsetin ai saiynǵy tólemniń jalpy kólemi shamamen 170 mln teńgeni qurap otyr.
«7-20-25» boiynsha quny 8 ben 14 mln teńge aralyǵyndaǵy páterlerge suranys joǵary. Quny 8 million teńge turatyn páter úshin ai saiynǵy tólem (kredit merzimi 25 jyl bolǵanda) 45 myń teńge, al 10 million teńge páter úshin - 56 myń teńge, quny 12 million teńge páter úshin - 79 myń teńgeni quraidy.
«7-20-25» baǵdarlamasyna qatysqan Astana qalasy turǵyndarynyń ortasha ailyq tabysy 170 myń teńge, almatylyqtardyń ailyq tabysy 150 myń teńge, Shymkent turǵyndarynyń ailyq tabysy 120 myń teńge bolǵan. Ipotekamen turǵyn úi satyp alǵan basqa óńir turǵyndarynyń ortasha ailyq tabysy 70 myń teńgeni qurady.
Statistika keibir BAQ-ta jariialanǵan «baǵdarlamaǵa qatysý úshin kem degende 300 myń teńge kóleminde tabysyń bolýy kerek» deitin tujyrymdardy joqqa shyǵaryp otyr.
29 qańtardaǵy jaǵdai boiynsha halyqtan 92 mlrd teńgege 7949 ótinim qabyldanǵan. Olardyń ishinen bankter 55 mlrd teńge somasyna 4612 ótinishti maquldady.
