Sýret: dom.kz
Qazaqstanda "7-20-25" ipotekalyq turǵyn úidi nesielendirý baǵdarlamasy uzartylady, - dep habarlaidy "Ult aqparat" Ulttyq bank baspasóz qyzmetine silteme jasap.
"Qazaqstan Respýblikasynyń Prezidenti Qasym-Jomart Toqaevtyń tapsyrmasy boiynsha "7-20-25" ipotekalyq turǵyn úi kreditteý baǵdarlamasyn iske asyrý jalǵastyrylady. Tiisti sheshim Qazaqstan Respýblikasy Ulttyq banki basqarmasynyń 2022 jylǵy 19 jeltoqsandaǵy № 123 Qaýlysymen qabyldandy", - delingen habarlamada.
Resmi málimet boiynsha, 2023 jyly baǵdarlama boiynsha kreditteý úshin 100 milliard teńgege deiin qarajat bólý josparlanǵan. Baǵdarlama boiynsha jyl saiynǵy kreditteýdiń naqty kólemi naryqtaǵy bankterdiń naryqtyq ipotekalyq ónimderi men olardyń damýyna bailanysty belgilenedi dep kózdelip otyr.
"Jeńildetilgen kreditteýmen azamattardy kóbirek qamtý maqsatynda baǵdarlamany iske asyrýdyń jekelegen talaptary qaita qaraldy. Atap aitqanda, árbir qaryz alýshy baǵdarlamaǵa bir ret qana qatysa alady.
Baǵdarlama aiasynda beriletin ipotekalyq turǵyn úi qaryzdarynyń parametrleri (bastapqy jarnanyń eń tómengi mólsheri, qaryzdyń eń joǵary somasy, syiaqy mólsherlemesi, qaryz merzimi, óńirler bóliginde satyp alynatyn turǵyn úidiń eń joǵary quny jáne t.b.) ózgerissiz qalady", - delingen UB habarlamasynda.
2022 jylǵy 22 jeltoqsandaǵy jaǵdai boiynsha 852,2 milliard teńge kóleminde 64 146 jeńildetilgen qaryz berilgen.
Aita keteiik, baǵdarlama jumys isteitin azamattardy 20%-dan bastap bastapqy jarnamen jyldyq 7% jeńildetilgen mólsherleme boiynsha 25 jylǵa deiingi merzimge qoljetimdi ipotekamen qamtamasyz etý úshin 2018 jyly iske qosylǵan.
