Elimizde jeńildikti ipotekaǵa suranys joǵary. «Baspana» ipotekalyq kompaniiasynyń deregi boiynsha, bankter ótken jyly «7-20-25» baǵdarlamasy boiynsha bir jumys kúninde orta eseppen 30 nesie bergen, dep habarlaidy "Ult aqparat" «Habar 24» telearnasyna silteme jasap.
Turǵyn úi baǵdarlamasyna joǵary qyzyǵýshylyqty almatylyqtar bildirip otyr. Sarapshylar muny turǵyndardyń tólem qabilettiligi deńgeiiniń joǵarylyǵymen jáne qurylys qarqynymen túsindirýde. Sońǵy derekter boiynsha, banktiń oń sheshimin 1 myń turǵyn alǵan. Berilgen qaryz kólemi - 12 mlrd teńge. Almatyda jyl saiynǵy turǵyn úi qurylysynyń kólemi 3 mln sharshy metrdi quraidy. Qurylys qarqyny biyl da jalǵasýda. Memlekettik baǵdarlamanyń sharty boiynsha, eń qymbat páterdiń quny 25 mln teńgeden aspaýy qajet.
Baǵdarlamanyń qarjy operatory klientter úshin arnaiy turǵyn úi portalyn ázirlep jatyr. Bul portal ýaqyt óte kele Qazaqstannyń barlyq óńirin qamtityn bolady.
«Menedjerler qurylys kompaniialaryna habarlasyp turatyn bolady. Portal qurylys kompaniialaryna da tiimdi. Sebebi, bir derekkóz arqyly áleýetti satyp alýshylar baspananyń bar-joǵyn bile alady. Bul, turǵyndar úshin de óte yńǵaily bolmaq. Qai páterdiń satylymda ekeni, onyń ár sharshy metriniń quny týraly málimetter alyp, sýretterin kóre alady. Qazir osy jumyspen ainalysyp jatyrmyz», - dedi «Baspana» ipotekalyq kompaniiasy» AQ kommýnikatsiialar qyzmeti basshysynyń orynbasary Aibar Oljaev.
