Ulttyq bank "7-20-25" turǵyn úi baǵdarlamasy boiynsha alǵash berilgen kreditter jóninde aqparat taratty, dep habarlaidy Sputnik Qazaqstan.
10 shildedegi jaǵdai boiynsha qazaqstandyqtar 48,3 milliard teńgege 4 651 ótinish bergen.
"752 million teńgege 63 kredit maquldandy", — dep habarlady Ulttyq bank.
Budan bólek, jańa turǵyn úi baǵdarlamasy boiynsha seriktes bankterdiń tizimi jariialandy. Olar — TsentrKredit banki, Qazaqstannyń Halyq banki, Eýraziia banki, ATFBank, Bank RBK, Tsesnabank jáne Turǵyn úi qurylys jinaq banki.
10 shildede úkimet otyrysynda úkimet basshysy Baqytjan Saǵyntaev Ulttyq bank tóraǵasynan qazirgi ýaqytta qansha kredit berilgenin suraǵan edi. Daniiar Aqyshev baǵdarlamanyń bir apta buryn ǵana iske qosylǵanyn aityp, jýyq arada tolyqqandy aqparat berýge ýáde bergen bolatyn.
Aita keteiik, alǵashqy jeti ipoteka 4 shildede Almaty, Astana, Aqtaý, Oral jáne Óskemen qalalarynda berildi.
