ۇلتتىق بانك "7-20-25" تۇرعىن ٷي باعدارلاماسى بويىنشا العاش بەرٸلگەن كرەديتتەر جٶنٸندە اقپارات تاراتتى, دەپ حابارلايدى Sputnik قازاقستان.
10 شٸلدەدەگٸ جاعداي بويىنشا قازاقستاندىقتار 48,3 ميلليارد تەڭگەگە 4 651 ٶتٸنٸش بەرگەن.
"752 ميلليون تەڭگەگە 63 كرەديت ماقۇلداندى", — دەپ حابارلادى ۇلتتىق بانك.
بۇدان بٶلەك, جاڭا تۇرعىن ٷي باعدارلاماسى بويىنشا سەرٸكتەس بانكتەردٸڭ تٸزٸمٸ جارييالاندى. ولار — تسەنتركرەديت بانكٸ, قازاقستاننىڭ حالىق بانكٸ, ەۋرازييا بانكٸ, اتفبانك, Bank RBK, تسەسنابانك جەنە تۇرعىن ٷي قۇرىلىس جيناق بانكٸ.
10 شٸلدەدە ٷكٸمەت وتىرىسىندا ٷكٸمەت باسشىسى باقىتجان ساعىنتاەۆ ۇلتتىق بانك تٶراعاسىنان قازٸرگٸ ۋاقىتتا قانشا كرەديت بەرٸلگەنٸن سۇراعان ەدٸ. دانييار اقىشەۆ باعدارلامانىڭ بٸر اپتا بۇرىن عانا ٸسكە قوسىلعانىن ايتىپ, جۋىق ارادا تولىققاندى اقپارات بەرۋگە ۋەدە بەرگەن بولاتىن.
ايتا كەتەيٸك, العاشقى جەتٸ يپوتەكا 4 شٸلدەدە الماتى, استانا, اقتاۋ, ورال جەنە ٶسكەمەن قالالارىندا بەرٸلدٸ.
