Foto: inform.kz
Ulttyq bank tóraǵasy Ǵalymjan Pirmatov Májilis depýtattarynyń saýalyna bergen jaýabynda «7-20-25» baǵdarlamasy týraly aitty, dep habarlaidy QazAqparat.
«2021 jyly 7 baǵdarlamanyń 5-in qarjylandyrý toqtatyldy. Aiaqtalǵan baǵdarlamalardyń biýdjeti 2,6 trln teńge qurdy. Bolashaqta taǵy 2 baǵdarlama aiaqtalady dep kútilýde, olar «7-20-25» baǵdarlamasy jáne importty almastyrýǵa jáne jańa óndirister qurýǵa baǵyttalǵan «Qarapaiym zattar ekonomikasy». Alaida túrli jaǵdailar eskerilip baǵdarlama 2023 jyldyń sońyna deiin jumys isteidi», - delingen Ǵalymjan Pirmatovtyń jaýabynda.
Osy jaýapqa orai QazAqparat tilshisi Ulttyq bankke habarlasyp, «7-20-25» baǵdarlamasynyń naqty qai ýaqytqa deiin jalǵasatynyn suraǵan.
Banktiń habarlaýynsha, memlekettik «7-20-25» baǵdarlamasy 2029 jylǵa deiin jalǵaspaq.
Jalpy Ulttyq bank bolashaqta memlekettik baǵdarlamalarǵa qatysý úlesin tómendetpek.
«2021 jyly 7 baǵdarlamanyń 5-in qarjylandyrý toqtatyldy. Aiaqtalǵan baǵdarlamalardyń biýdjeti 2,6 trln teńgeni qurady», - dep jazady Ǵalymjan Pirmatov.
