«7-20-25» baǵdarlamasy aiasynda bankter halyqqa jaqyn arada nesieler bere bastaidy. Bul týraly Parlament Senatynyń jalpy otyrysynda QR Ulttyq bankiniń tóraǵasy Daniiar Aqyshev málim etti, dep habarlaidy QazAqparat.
«7-20-25» baǵdarlamasyna toqtalǵan UB basshysy: «Memleket basshysynyń «Árbir otbasy úshin baspana alýdyń jańa múmkindikteri» áleýmettik bastamasyn iske asyrý úshin quqyqtyq orta qurý qajet. Ol kreditor men qaryz alýshynyń múddeleri arasynda teńdikti qamtamasyz etedi. Baǵdarlamanyń bolashaqta ornyqty bolýynyń mańyzdy talaby bank pen boryshkerdiń naryqtyq printsipterdi saqtaýy bolyp tabylady. Onyń ishinde problemalyq bereshekti sotqa deiin retteý mańyzdy», - dedi.
Sonymen qatar Daniiar Aqyshev kepil institýty jan-jaqty bolýy kerek ekenin, kepil ustaýshynyń óz talaptaryn qanaǵattandyrý úshin kepil múlkin kedergisiz ári dereý satý múmkindigi bolýǵa tiistigin atap ótti.
«Mundai túzetýlersiz 7-20-25 baǵdarlamasyn sátti iske asyrý múmkin emes. Zańnamalyq túzetýler qabyldanǵan jaǵdaida, bankter halyqqa jaqyn arada nesieler bere bastaidy», - dedi ol.
