«7-20-25» باعدارلاماسى اياسىندا بانكتەر حالىققا جاقىن ارادا نەسيەلەر بەرە باستايدى. بۇل تۋرالى پارلامەنت سەناتىنىڭ جالپى وتىرىسىندا قر ۇلتتىق بانكٸنٸڭ تٶراعاسى دانييار اقىشەۆ مەلٸم ەتتٸ, دەپ حابارلايدى قازاقپارات.
«7-20-25» باعدارلاماسىنا توقتالعان ۇب باسشىسى: «مەملەكەت باسشىسىنىڭ «ەربٸر وتباسى ٷشٸن باسپانا الۋدىڭ جاڭا مٷمكٸندٸكتەرٸ» ەلەۋمەتتٸك باستاماسىن ٸسكە اسىرۋ ٷشٸن قۇقىقتىق ورتا قۇرۋ قاجەت. ول كرەديتور مەن قارىز الۋشىنىڭ مٷددەلەرٸ اراسىندا تەڭدٸكتٸ قامتاماسىز ەتەدٸ. باعدارلامانىڭ بولاشاقتا ورنىقتى بولۋىنىڭ ماڭىزدى تالابى بانك پەن بورىشكەردٸڭ نارىقتىق پرينتسيپتەردٸ ساقتاۋى بولىپ تابىلادى. ونىڭ ٸشٸندە پروبلەمالىق بەرەشەكتٸ سوتقا دەيٸن رەتتەۋ ماڭىزدى», - دەدٸ.
سونىمەن قاتار دانييار اقىشەۆ كەپٸل ينستيتۋتى جان-جاقتى بولۋى كەرەك ەكەنٸن, كەپٸل ۇستاۋشىنىڭ ٶز تالاپتارىن قاناعاتتاندىرۋ ٷشٸن كەپٸل مٷلكٸن كەدەرگٸسٸز ەرٸ دەرەۋ ساتۋ مٷمكٸندٸگٸ بولۋعا تيٸستٸگٸن اتاپ ٶتتٸ.
«مۇنداي تٷزەتۋلەرسٸز 7-20-25 باعدارلاماسىن سەتتٸ ٸسكە اسىرۋ مٷمكٸن ەمەس. زاڭنامالىق تٷزەتۋلەر قابىلدانعان جاعدايدا, بانكتەر حالىققا جاقىن ارادا نەسيەلەر بەرە باستايدى», - دەدٸ ول.
