«7-20-25» baǵdarlamasy sheńberinde qaryz berýge arnalǵan 9 442 ótinim maquldandy. Bul týraly Ulttyq banktiń baspasóz qyzmeti habarlady.
«7-20-25» baǵdarlamasyn iske asyrý sheńberinde 2019 jylǵy 30 shildedegi jaǵdai boiynsha 181,5 mlrd teńge somaǵa qaryz alýǵa 16 084 ótinim qabyldandy. Onyń ishinde 108,4 mlrd teńge somaǵa qaryz alýǵa 9 442 ótinim maquldandy.
«7-20-25» baǵdarlamasyna qatysty azamattar ózderin qyzyqtyrǵan suraqtar boiynsha «Baspana» ipotekalyq uiymyna + 7 (727) 227-20-25 nómiri boiynsha táýlik boiy habarlasyp, jaýap ala alady. Sonymen qatar, ipotekalyq uiymnyń resmi internet-resýrsynda myna silteme boiynsha qosymsha aqparatpen tanysýǵa bolady», - delingen habarlamada.
Esterińizge sala keteiik, 22 shildedegi jaǵdai boiynsha 9 322 ótinish maquldanǵan bolatyn.
