Nur-Sultan qalasynyń 2022 jylǵa naqtylanǵan biýdjetiniń kólemi belgili boldy, dep habarlaidy QazAqparat.
Bul týraly qalanyń ekonomika jáne biýdjettik josparlaý basqarmasynyń basshysy Qaisar Mańqaraev qoǵamdyq keńes ókilderiniń aldynda aitty.
«Aktivter jáne memlekettik satyp alý basqarmasyna kommýnaldyq menshikke kólik satyp alýǵa, Táýelsizdik, Beibitshilik jáne kelisim sarailaryn aǵymdyq jóndeýge, jabdyqtar satyp alýǵa qosymsha 4 mlrd 120 mln teńge kózdelip otyr.
Qarjy basqarmasyna jergilikti atqarýshy organnyń rezervine 8 mlrd 626 mln teńge jáne paidalanylmaǵan nysanaly transfertterdi qaitarý kózdeledi», - degen basqarma basshysy qalalyq máslihattyń jyldyq shyǵynyna da qosymsha qarajat bólý kerektigin aitty.
«Máslihat apparatyna eńbekaqy tóleý qorynan normativtik-quqyqtyq aktilerdi jariialaýǵa jáne kúrdeli shyǵystarǵa qosymsha 59,4 mln teńge qarastyryldy.
Investitsiialar jáne kásipkerlikti damytý basqarmasyna biznestiń «Biznestiń jol kartasy» sheńberindegi jobalardy sýbsidiialaýǵa qosymsha 2 mlrd teńge qarastyryldy.
Tsifrlandyrý jáne memlekettik qyzmetter basqarmasyna derekteri «bultty» platformada saqtalatyn qoǵamdyq oryndardy beinebaqylaý júiesin jalǵa alýǵa jáne qyzmet kórsetýge qosymsha 537 mln teńge kózdeledi», - dedi Qaisar Mańqaraev.
Osylaisha engiziletin ógeristerdi eskere otyryp, Nur-Sultan qalasynyń 2022 jylǵy naqtylanǵan biýdjetiniń jalpy kólemi 665 mlrd 508 mln teńge bolyp otyr.
«Onyń ishinde menshik túsimder 430 mlrd 726 mln teńge, respýblikalyq transfert túsimi 108 mlrd 889 mln teńge, qaryzdardyń túsimi 32 mlrd 167 mln teńge jáne bos qaldyqtar 55 mlrd 724 mln teńge», - dedi ol.
Aita keteiik, atalǵan biýdjet jobasy áli bekitilgen joq. Qoǵamdyq keńestiń quzyryna qala biýdjetin bekitý ókileti berilmegen. Keńes músheleriniń usynystary men eskertýleri tek konsýltatsiialyq mańyzǵa ǵana ie.
