QMA Pavlodar oblysy boiynsha departamentiniń qyzmetkerleri shot-faktýralardy zańsyz jazyp berý faktileriniń jolyn kesti, dep habarlaidy "Ult aqparat" vedomstvonyń baspasóz qyzmetine silteme jasap.
"Tergeý barysynda azamattar V.R. Legin men S.A. Ryjakov jalǵan tulǵalarǵa resimdelgen 13 kompaniia qurǵandyǵy anyqtaldy, sodan keiin materialdyq paida tabý maqsatynda 2019 jyldan bastap 2021 jylǵa deiingi kezeńde osy kompaniialardyń atynan birqatar zańdy tulǵalarǵa jalpy somasy 6,5 mlrd teńgege jalǵan shot-faktýralar jazyp berildi.
V.R. Legin men S.A. Ryjakovtyń qylmystyq áreketteriniń nátijesinde memleketke tólenbegen salyqtar túrinde 2 mlrd. teńgeden astam somaǵa zalal keltirildi" - delingen habarlamada.
Vedomstvo málimetinshe, sot ekeýin de kináli dep taýyp, Legin Vilgelm Robertovich pen Ryjakov Sergei Aleksandrovichti 2 jyl 9 aiǵa bas bostandyǵynan aiyryp, Leginnen 13 mln teńgeden astam aqsha tárkileý týraly úkim shyǵardy.
