31 qańtar kúni Qazaqstan aýmaǵyna Germaniia, Maldiv, BAÁ, Mysyr, Túrkiia, Ýkraina, Resei jáne Qyrǵyzstan elderinen barlyǵy 17 halyqaralyq áýe reisi ushyp keldi, dep habarlaidy "Ult aqparat".
QR Densaýlyq saqtaý ministrligi Sanitariialyq-epidemiologiialyq baqylaý komitetinen málim etkendei, keshe elimizge shetelden 2 577 jolaýshy ushyp keldi. Onyń 1933-inde koronavirýsqa PTR-testileýdiń teris nátijesi bar anyqtama bolǵan. Anyqtamasyz 644 jolaýshy keldi, barlyǵy da - QR azamattary.
Atap aitqanda:
- Almaty qalasynyń áýejaiyna – 9 reis, 1 461 jolaýshy, anyqtamamen - 1 174, anyqtamasyz - 287;
- Nur-Sultan qalasynyń áýejaiyna – 8 reis, 1 116 jolaýshy, anyqtamamen - 759; anyqtamasyz - 357.
«Anyqtamasyz kelgen Qazaqstan azamattary kelgen jerleri boiynsha COVID-19-ǵa PTR-taldaý ádisimen testilendi jáne karantindik statsionarlarda óz nátijelerin kútýde», - dedi ministrlikten.
Sondai-aq 30 qańtar kúni anyqtamasyz ushyp kelgen Qazaqqstannyń 447 azamatynyń PTR-taldaý nátijeleri daiyn boldy. Oǵan sáikes, «Antaliia – Almaty» reisiniń 1 jolaýshysynan koronavirýs infektsiiasy anyqtaldy.
