Foto: TJM
Úkimette ótip jatqan dástúrli baspasóz konferentsiiasynda tótenshe jaǵdailar vitse-ministri Kegen Tursynbaev jýrnalisterdiń órt qaýipsizdigi týraly suraǵyna jaýap berdi, dep habarlaidy Ult.kz.
BAQ ókilderimen bul jolǵy kezdesý Memleket basshysynyń óńirlik damý, sý resýrstary jáne irrigatsiia salalaryna qatysty bergen tapsyrmalaryn júzege asyrý máselelerine arnaldy.
TJM ókili «Big Shanhai» bazarynda bolǵan órtti mysalǵa keltire otyryp, órt sóndirýshilerdiń jedel qimylynyń arqasynda úlken aýmaqtaǵy órtti ýaqytynda oqshaýlaý múmkin bolǵanyn atap ótti. Búginde órt sebebin anyqtaý boiynsha saraptama júrgizilip jatqanyn jáne osy aidyń sońyna deiin qorytyndysy daiyn bolatynyn habarlady.
«2023 jyly moratorii bolǵandyqtan biz úlken saýda úilerin jappai teksergen joqpyz. Odan basqa ýaqytta 2 myń sharshy metr aýmaqtan astam jerdi alyp jatqan saýda úilerin jyl saiyn tekserip kelemiz. Osy jyly sondai 63 saýda nysanyn tekserdik. Órt qaýipsizdigin buzý boiynsha 941 derek anyqtaldy. Qazirgi kezde salalyq zańǵa kóp ózgerister engizilgen. Sonyń bireýi – kóp adam jinalatyn, aýmaǵy 2 myń sharshy metrden asatyn saýda nysandary saqtandyrýǵa jatady. Osyndai oń ózgerister órt qaýipsizdigi deńgeiin arttyrady dep olaimyn», - dedi tótenshe jaǵdailar vitse-ministri Kegen Tursynbaev.
