فوتو: تجم
ٷكٸمەتتە ٶتٸپ جاتقان دەستٷرلٸ باسپاسٶز كونفەرەنتسيياسىندا تٶتەنشە جاعدايلار ۆيتسە-مينيسترٸ كەگەن تۇرسىنباەۆ جۋرناليستەردٸڭ ٶرت قاۋٸپسٸزدٸگٸ تۋرالى سۇراعىنا جاۋاپ بەردٸ, دەپ حابارلايدى Ult.kz.
باق ٶكٸلدەرٸمەن بۇل جولعى كەزدەسۋ مەملەكەت باسشىسىنىڭ ٶڭٸرلٸك دامۋ, سۋ رەسۋرستارى جەنە يرريگاتسييا سالالارىنا قاتىستى بەرگەن تاپسىرمالارىن جٷزەگە اسىرۋ مەسەلەلەرٸنە ارنالدى.
تجم ٶكٸلٸ «Big شانحاي» بازارىندا بولعان ٶرتتٸ مىسالعا كەلتٸرە وتىرىپ, ٶرت سٶندٸرۋشٸلەردٸڭ جەدەل قيمىلىنىڭ ارقاسىندا ٷلكەن اۋماقتاعى ٶرتتٸ ۋاقىتىندا وقشاۋلاۋ مٷمكٸن بولعانىن اتاپ ٶتتٸ. بٷگٸندە ٶرت سەبەبٸن انىقتاۋ بويىنشا ساراپتاما جٷرگٸزٸلٸپ جاتقانىن جەنە وسى ايدىڭ سوڭىنا دەيٸن قورىتىندىسى دايىن بولاتىنىن حابارلادى.
«2023 جىلى موراتوريي بولعاندىقتان بٸز ٷلكەن ساۋدا ٷيلەرٸن جاپپاي تەكسەرگەن جوقپىز. ودان باسقا ۋاقىتتا 2 مىڭ شارشى مەتر اۋماقتان استام جەردٸ الىپ جاتقان ساۋدا ٷيلەرٸن جىل سايىن تەكسەرٸپ كەلەمٸز. وسى جىلى سونداي 63 ساۋدا نىسانىن تەكسەردٸك. ٶرت قاۋٸپسٸزدٸگٸن بۇزۋ بويىنشا 941 دەرەك انىقتالدى. قازٸرگٸ كەزدە سالالىق زاڭعا كٶپ ٶزگەرٸستەر ەنگٸزٸلگەن. سونىڭ بٸرەۋٸ – كٶپ ادام جينالاتىن, اۋماعى 2 مىڭ شارشى مەتردەن اساتىن ساۋدا نىساندارى ساقتاندىرۋعا جاتادى. وسىنداي وڭ ٶزگەرٸستەر ٶرت قاۋٸپسٸزدٸگٸ دەڭگەيٸن ارتتىرادى دەپ ولايمىن», - دەدٸ تٶتەنشە جاعدايلار ۆيتسە-مينيسترٸ كەگەن تۇرسىنباەۆ.
