Aqtóbe turǵyny banktiń jalǵan qyzmetkerine aldanyp, 22 million teńgesinen aiyrylyp qalǵan, - dep habarlaidy Polisia.kz.
Portal málimetinshe, 30 mamyrda turǵynǵa bank qyzmetkeri bolyp tanysqan er adam qońyraý shalǵan. Alaiaq mundai operatsiia bank júiesinde qalypty ekenin aityp, shotty qaýipsizdendirý úshin telefonǵa kelgen SMS-habarlamadaǵy kodty aitýyn suraidy. Kodty alǵannan keiin alaiaq búkil aqshany jábirlenýshiniń kartasynan basqa banktik shotqa aýdaryp alǵan. Jalpy shyǵyn 22 mln teńgeden asty.
"Qazirgi tańda atalǵan fakt boiynsha QR QK-niń 190-baby 3-bólimimen (Alaiaqtyq) sotqa deiingi tergeý bastaldy. Politseiler kúdiktiniń jeke basyn anyqtaý maqsatynda is-sharalar júrgizip jatyr.
Aqtóbe oblysy Politsiia departamenti alaiaqtyq jaǵdailarynyń aldyn alý úshin eshkimge, tipti bank qyzmetkerine de jeke shottary men kartalaryna qatysty SMS-kod jáne basqa da derbes aqparatty aitýǵa bolmaitynyn eskertedi" - delingen habarlamada.
