Aqmola oblysynda 6 jasar Bekmansur jeńil avtokólikti 20 metrge deiin súirep, rekord ornatty. Bul týraly Ámir Mahmet esimdi Feisbýk qoldanýshy óz paraqshasynda jariialady, dep habarlaidy "Ult aqparat".
Avtordyń jazbasynda kórsetilgendei, oqiǵa «Densaýlyq kúni» festivalinde Tselinograd aýdanynyń Qajymuqan aýylynda bolǵan.
«Búgin «Densaýlyq kúnine» orai bizdiń aýylda, qazaqtyń birtýar balýany Qajymuqan Muńaitpasovtyń týǵan jerinde 6 jasar Bekmansur jeńil avtokólikti 20 metr qashyqtyqqa deiin tartyp, rekord ornatty. Óziniń kishkentai bolǵanyna qaramastan, Bekmansur naǵyz batyr. Ol meni óziniń aǵasyndai kórip, únemi jaqyn tartyp júredi. Men muny maqtan tutamyn. Astana qalasynda turatyn jas batyrdyń alǵashqy jeńisiniń kýási bolý men úshin, bizdiń aýyl turǵyndary úshin zor mártebe! Alǵa, inim! Qanatyń eshqashan talmasyn! Qajymuqan atamyzdai balýan bol! Allam ózińdi qoldasyn!», - dep jazdy jeli qoldanýshysy Ámir Mahmet.
Eske sala keteiik, Qazaqstannyń Ginnes rekordtar kitabynda keýdeni jerden kóterý sporty boiynsha bes dúrkin rekordshy, sondai-aq deneni birqalypta ustaý boiynsha álemdik rekordsmen ataǵynyń iegeri Ámir Mahmet ótken jyly Astana qalasyndaǵy EKSPO-2017 halyqaralyq kórmesi mańynda shólmekterde 53 jattyǵý jasap, jańa álemdik rekord ornatqan bolatyn.
