اقمولا وبلىسىندا 6 جاسار بەكمانسۇر جەڭٸل اۆتوكٶلٸكتٸ 20 مەترگە دەيٸن سٷيرەپ, رەكورد ورناتتى. بۇل تۋرالى ەمٸر ماحمەت ەسٸمدٸ فەيسبۋك قولدانۋشى ٶز پاراقشاسىندا جارييالادى, دەپ حابارلايدى "ۇلت اقپارات".
اۆتوردىڭ جازباسىندا كٶرسەتٸلگەندەي, وقيعا «دەنساۋلىق كٷنٸ» فەستيۆالٸندە تسەلينوگراد اۋدانىنىڭ قاجىمۇقان اۋىلىندا بولعان.
«بٷگٸن «دەنساۋلىق كٷنٸنە» وراي بٸزدٸڭ اۋىلدا, قازاقتىڭ بٸرتۋار بالۋانى قاجىمۇقان مۇڭايتپاسوۆتىڭ تۋعان جەرٸندە 6 جاسار بەكمانسۇر جەڭٸل اۆتوكٶلٸكتٸ 20 مەتر قاشىقتىققا دەيٸن تارتىپ, رەكورد ورناتتى. ٶزٸنٸڭ كٸشكەنتاي بولعانىنا قاراماستان, بەكمانسۇر ناعىز باتىر. ول مەنٸ ٶزٸنٸڭ اعاسىنداي كٶرٸپ, ٷنەمٸ جاقىن تارتىپ جٷرەدٸ. مەن مۇنى ماقتان تۇتامىن. استانا قالاسىندا تۇراتىن جاس باتىردىڭ العاشقى جەڭٸسٸنٸڭ كۋەسٸ بولۋ مەن ٷشٸن, بٸزدٸڭ اۋىل تۇرعىندارى ٷشٸن زور مەرتەبە! العا, ٸنٸم! قاناتىڭ ەشقاشان تالماسىن! قاجىمۇقان اتامىزداي بالۋان بول! اللام ٶزٸڭدٸ قولداسىن!», - دەپ جازدى جەلٸ قولدانۋشىسى ەمٸر ماحمەت.
ەسكە سالا كەتەيٸك, قازاقستاننىڭ گيننەس رەكوردتار كٸتابىندا كەۋدەنٸ جەردەن كٶتەرۋ سپورتى بويىنشا بەس دٷركٸن رەكوردشى, سونداي-اق دەنەنٸ بٸرقالىپتا ۇستاۋ بويىنشا ەلەمدٸك رەكوردسمەن اتاعىنىڭ يەگەرٸ ەمٸر ماحمەت ٶتكەن جىلى استانا قالاسىنداعى ەكسپو-2017 حالىقارالىق كٶرمەسٸ ماڭىندا شٶلمەكتەردە 53 جاتتىعۋ جاساپ, جاڭا ەلەمدٸك رەكورد ورناتقان بولاتىن.
