Sýret: Gov.kz
Búgin - Astana kúni! Osy ýaqyt aralyǵynda elordanyń tarihy, mádenieti men ózindik dástúri qalyptasyp úlgerdi.
Astana ǵajaiyp ǵimarattarymen, erekshe kelbetimen, Eýraziiadaǵy sáýletti qalalardyń birine ainaldy.
Elorda dástúr men jańashyldyqty ushtastyryp, elimizdiń damýy men órkendeýiniń jarqyn belgisine atanyp, búkil álemge tanyldy.
Astana – ákimshilik jáne saiasi ortalyq qana emes, Qazaqstannyń mádeni ómiri qainap jatqan rýhani júregi. Munda álemniń túkpir-túkpirinen kelgen qonaqtardyń qatysýymen aýqymdy halyqaralyq mádeni is-sharalar, festivaldar, kórmeler men kontsertter ótedi. Elordada ótip jatqan halyqaralyq forýmdar men sezder onyń jahandyq dialog pen yntymaqtastyqtyń mańyzdy ortalyǵy ekeniniń aiqyn dáleli.
Atalmysh kún – elorda turǵyndary úshin ǵana emes, árbir qazaqstandyq úshin de erekshe mereke. Astana – memleketimizdiń beibit ári syndarly saiasatynyń, elimizdiń qarqyndy damýy men jarqyn bolashaǵynyń, búkil eldiń tatýlyǵy men tutastyǵynyń kórinisi. Qarqyndy damýdyń, mádeni jáne jańashyl bastalamalardy qoldaýdyń arqasynda Astana jańa Qazaqstannyń simvolyna ainaldy.
