Almaty reprodýktologiialyq emhanasynda sheteldik jup EKU arqyly sábili boldy, dep habarlaidy "Ult aqparat".
Qazaqstandyq dárigerlerdiń kómegimen EKU dúniege kelgen balalar álemniń 50 elinde ómir súrip jatyr. Óitkeni, meditsinalyq týrizmniń damýyna eldegi arzan qyzmetter serpin bolyp otyr.
Qazaqstan Reprodýktivti meditsina qaýymdastyǵynyń tóraǵasy Viacheslav Lokshin Qazaqstanda bolǵan erekshe oqiǵa týraly aityp berdi.
Onyń aitýynsha, byltyr sheteldik otbasy qazaqstandyq reprodýktologtardyń kómegimen perzent súigen.
Aýstraliialyq óziniń Ońtústikkoreialyq jarymen týǵan jerinde birneshe ret EKU arqyly sábili bolýǵa tyrysqan. Alaida bul em-shara sátsiz boldy.
«Bizdiń dárigerler aǵylshyn tilinde jaqsy sóileidi. Sondyqtan álemdegi barlyq reprodýktologiia salasyndaǵy jańalyqtar bizdiń elde belsendi qoldanylyp otyr. Onyń ishinde embriondy 46 hromosomaǵa tekserý de múmkin bolyp otyr. Qazaqstan meditsinalyq týrizm ortalyǵyna ainaldy. Adamdar bizge tek meditsinalyq qyzmettiń arzandyǵy úshin ǵana emes, dárigerlerdiń biliktiligi úshin de keledi», - dedi Viacheslav Lokshin.
Máselen myna jup 5 jyl buryn otasqan. Alǵashqy 3 jylda dárigerlerge qaralmaǵan.
Odan keiin Ońtústik Koreia mamandaryna qarala bastaǵan. Qazaqstandyq reprodýktologtyń aitýynsha, olardyń sábi súiý múmkindigi óte tómen bolǵan.
Ekeýi de 40-tan asqan analyq atalyq jumyrtqalardyń sany shekteýli, uryqtyń sapasy da joǵary bolmaǵan.
Ońtústik Koreiadaǵy reprodýktologtar tek 3 analyq jasýsha alǵan. Al Qazaqstan mamandary 5 analyq jasýsha aldy. Osydan-aq, bul jup qazaqstandyq meditsinaǵa qaralýǵa túpkilikti bekingen.
«Alaida birinshi baǵdarlama sátsiz aiaqtaldy. Áieldiń jasy 41-ge ketip bara jatqan soń, biz donordyń analyq jasýshasyn alýdy usyndyq. Biraq, otbasy buǵan kelispedi. Keiin olar saqtandyrý polisi arqyly Aýstraliiaǵa baryp jasap kórdi. Alaida ol jaqta dárigerler 1 aq analyq jumyrtqa ala aldy. Ol da sátsiz boldy. 4 aidan soń patsientter qaita oraldy. Qaitadan baǵdarlamany bastaǵan soń analyq uryqty qursaqqa qondyrýǵa kiristik. Kópten kútken júktilik paida boldy. Alaida áiel bastan aiaq bosanǵansha akýsherdiń baqylaýynda boldy. 8,5 aidan soń otbasynda deni saý qyz bala dúniege keldi. Baqytty otbasy shetelge ketti. Bizben bailanysty úzgen joq, balasynyń jaǵdaiy týraly únemi habarlap turady», - dedi V.Lokshin.
