Jyl basynan beri memlekettik eńbek inspektorlary 6 myńnan astam jumyskerdiń quqyǵyn qorǵady, dep habarlaidy "Ult aqparat" QR Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
2020 jylǵy 1 mamyrdaǵy jaǵdai boiynsha memlekettik eńbek inspektorlary respýblikanyń 310 kásipornynda 7,2 myń jumyskerdiń aldynda jalaqy boiynsha 765 mln teńgeden astam qaryzy bar ekenin anyqtady.
Atalǵan kásiporyndardyń jetekshilerine oryndaýǵa mindetti 113 uiǵarym berilip, 16,2 mln teńgeden astam somaǵa aiyppul salyndy.
Qabyldanǵan sharalar, onyń ishinde jalaqy boiynsha bereshekti óteýdiń qatań kesteleri men merzimderin belgileý nátijesinde 6 myńnan astam qyzmetkerdiń quqyqtary qorǵaldy. Olarǵa 700 mln teńge tólendi.
Jalpy, aǵymdaǵy jylǵy qańtar-sáýir ailarynda memlekettik eńbek inspektorlary 1,3 myń tekserý júrgizip, 2013 QR eńbek zańnamasyn buzý faktilerin anyqtady jáne 66 mln teńge kóleminde aiyppul salyndy.
