Qazaqstanda alty dáriger jalǵan vaktsina pasportyn satqany úshin isti boldy, dep habarlaidy "Ult aqparat" Polisia.kz resýrsyna silteme jasap.
Bul jaiynda Ishki ister ministrliginde ótken jumys keńesinde aityldy.
Qazaqstanda jalǵan vaktsina pasportyn jáne PTR test satýdyń 110 faktisi tirkelgen.
PTR anyqtamany qoldan jasaǵany jáne jalǵan vaktsinatsiia pasportyn jasaǵany úshin 28 adam áshkerelendi, onyń ishinde meditsina qyzmetkerleri – 20 (alty dáriger, 14 meditsina qyzmetkeri), deldaldar – 8.
Sondai-aq áleýmettik jelilerge monitoring júrgizý kezinde jalǵan vaktsinatsiia pasportyn jáne PTR anyqtama satý týraly 70 habarlandyrý anyqtaldy, onyń 37-si buǵattaldy.
Osy sanattaǵy ister boiynsha tergeý-sot praktikasy qalyptasty, zańdy kúshine engen sot aktileri bar.
Tórt qylmystyq is boiynsha aiyptaý úkimi shyqty.
43 qylmystyq is boiynsha tergeý áreketteri jáne saraptamalyq zertteýler júrip jatyr.
Olar aiaqtalǵannan keiin kúdiktilerdiń is-áreketin quqyqtyq baǵalai otyryp, sheshim qabyldanady.
Osyǵan uqsas barlyq qylmystyq isterdiń tergelýi baqylaýda.
Keńes barysynda Ishki ister ministrligi basqa memlekettik organdarǵa usynystar berdi.
