Massachýsetste akvalangshy búkir kittiń aýzynan sytylyp shyǵyp, qandai da bir aýyr jaraqat almastan jaǵaǵa jete aldy, dep habarlaidy "Ult aqparat" jergilikti jerdiń Cape Cod Times gazetine silteme jasap.
Basylymnyń habarlaýynsha, 56 jastaǵy Maikl Pakard juma kúni tańerteń Provinstaýn qalasynyń janyndaǵy Atlant muhitynyń jaǵasynda lobsterlerdi aýlap júrgen.
«Men kenetten alyp kúshtiń tartyp áketip bara jatqanyn sezindim, sodan keiin ainala qarańǵy bolyp ketti. Men ózimniń qozǵalǵanymdy sezindim, al kit meni aýzyndaǵy bulshyq etterdiń kómegimen iterip jiberdi», - dedi ol basylymǵa.
Bastapqyda Pakard ony akýla jep qoidy dep oilaǵan, biraq oǵan shabýyl jasaǵan tirshilik iesiniń tisterin taba almaǵannan keiin eshqandai aýyr jaraqat almaǵanyn túsingen daiver óziniń kittiń ishinde ekenin túsingen. Akvalangshy qarqyndy túrde qozǵala bastaǵan, sodan keiin kit sý betine shyǵyp, basyn shaiqap, ony bosatyp jibergen. Pakardtyń seriktesi ony qaiyqqa súirep aparyp, jaǵaǵa shyǵarǵan. Daiver jergilikti aýrýhanaǵa jetkizildi. Dárigerler onyń ómirine esh qaýip tónip turmaǵanyn aityp, ony birneshe saǵattan keiin úiine jibergen.
