ماسساچۋسەتستە اكۆالانگشى بٷكٸر كيتتٸڭ اۋزىنان سىتىلىپ شىعىپ, قانداي دا بٸر اۋىر جاراقات الماستان جاعاعا جەتە الدى, دەپ حابارلايدى "ۇلت اقپارات" جەرگٸلٸكتٸ جەردٸڭ Cape Cod Times گازەتٸنە سٸلتەمە جاساپ.
باسىلىمنىڭ حابارلاۋىنشا, 56 جاستاعى مايكل پاكارد جۇما كٷنٸ تاڭەرتەڭ پروۆينستاۋن قالاسىنىڭ جانىنداعى اتلانت مۇحيتىنىڭ جاعاسىندا لوبستەرلەردٸ اۋلاپ جٷرگەن.
«مەن كەنەتتەن الىپ كٷشتٸڭ تارتىپ ەكەتٸپ بارا جاتقانىن سەزٸندٸم, سودان كەيٸن اينالا قاراڭعى بولىپ كەتتٸ. مەن ٶزٸمنٸڭ قوزعالعانىمدى سەزٸندٸم, ال كيت مەنٸ اۋزىنداعى بۇلشىق ەتتەردٸڭ كٶمەگٸمەن يتەرٸپ جٸبەردٸ», - دەدٸ ول باسىلىمعا.
باستاپقىدا پاكارد ونى اكۋلا جەپ قويدى دەپ ويلاعان, بٸراق وعان شابۋىل جاساعان تٸرشٸلٸك يەسٸنٸڭ تٸستەرٸن تابا الماعاننان كەيٸن ەشقانداي اۋىر جاراقات الماعانىن تٷسٸنگەن دايۆەر ٶزٸنٸڭ كيتتٸڭ ٸشٸندە ەكەنٸن تٷسٸنگەن. اكۆالانگشى قارقىندى تٷردە قوزعالا باستاعان, سودان كەيٸن كيت سۋ بەتٸنە شىعىپ, باسىن شايقاپ, ونى بوساتىپ جٸبەرگەن. پاكاردتىڭ سەرٸكتەسٸ ونى قايىققا سٷيرەپ اپارىپ, جاعاعا شىعارعان. دايۆەر جەرگٸلٸكتٸ اۋرۋحاناعا جەتكٸزٸلدٸ. دەرٸگەرلەر ونىڭ ٶمٸرٸنە ەش قاۋٸپ تٶنٸپ تۇرماعانىن ايتىپ, ونى بٸرنەشە ساعاتتان كەيٸن ٷيٸنە جٸبەرگەن.
