Koronavirýs pandemiiasy sebep bolǵan qazirgi jaǵdaiǵa bailanysty búgin Vashingtondaǵy Qazaqstan Elshiliginiń jáne Niý-Iork pen San-Frantsiskodaǵy Qazaqstan Bas konsýldyqtarynyń kómegimen AQSh aýmaǵyndaǵy 55 otandasymyz elge qaitaryldy, dep habarlaidy "Ult aqparat" Syrtqy ister ministrligine silteme jasap.
Birqatar halyqaralyq áýe reisiniń bolmaýyna jáne sheteldikter úshin tranzittik aimaqtardyń jabylýyna bailanysty bizdiń kóptegen azamatymyz Qazaqstanǵa ushyp shyǵý múmkindiginen aiyryldy.
«Osy jaǵdaidy nazarǵa ala otyryp, Qazaqstannyń AQSh pen Reseidegi elshilikteri birlesip, otandastarymyzdy Niý-Iorkten Máskeý arqyly tranzitpen ushyrdy» dep málim etti Syrtqy ister ministrliginen.
Eske sala keteiik, buǵan deiin Qazaqstannyń 33 azamaty Saýd Arbaiiasynan aman-esen elge oralǵan bolatyn.
