1 qyrkúiekten bastap bastaýysh synypta bilim alatyn 530 myń bala kezekshi synypta oqityn boldy. Bul týraly Ortalyq kommýnikatsiialar qyzmetindegi baspasóz máslihatynda QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Birneshe kúnnen keiin jańa oqý jyly bastalady. Búgingi kúni daiyndyq jumystary qarqyndy júrip jatyr. 1 qyrkúiek - ádettegidei Bilim kúni. 1 qyrkúiekten bastap jańa oqý jyly bastalady. Ózderińiz biletindei, oqý jyly indetke bailanysty qashyqtan oqytý formatynda júrgiziledi. Bul týraly shildede Úkimet otyrysynda sheshim qabyldanǵan edi. Árine, biz úshin eń bastysy - balalardyń jáne ustazdarymyzdyń densaýlyǵy, qaýipsizdigi», - dedi ol.
Osy rette ministr qashyqtan oqytýdyń eki ereksheligine toqtaldy.
«Birinshisi - kezekshi synyptardyń jumysy. 1-4 synyptarǵa bailanysty kezekshi synyptardyń jumysy ata-analardyń derbes sheshimi, ótinishteri bolsa uiymdastyrylady. Ekinshi erekshelik - bul shalǵaidaǵy aýyldardaǵy shaǵyn jinaqtalǵan mektepter. Eger osy aýyldarda epidemiologiialyq ahýal jaqsy bolatyn bolsa, onda bul bilim ordalary dástúrli formatta jumys isteitin bolady. Sondai múmkindik berip otyrmyz»,- dedi ministr.
Onyń dereginshe, oqýshylardyń 80 paiyzy nemese 2,6 mln bala qashyqtan bilim alady. Bastaýysh synyp oqýshylarynyń 15 paiyzy nemese 530 myń balanyń ata-analary kezekshi synypta oqytýǵa ótinish bergen.
«Qalǵan 5 paiyz balalar shaǵyn jinaqty dástúrli formatta oqityn bolady. Olardyń sany - 202 myń bala. Mine osyndai formatta jumysymyzdy bastaimyz», - dedi Ashat Aimaǵambetov.
