Pavlodar oblysy Baianaýyl aýdanynda 53 jastaǵy reseilik týrist shyńnan qulady. Onyń oń aiaǵy synyp, aýdandyq aýrýhanaǵa jetkizildi, dep habarlaidy pavlodarnews.kz.
TJ óńirlik departamentinen habarlanǵandai, 53 jastaǵy reseilik Jasybai kólinde týrbazamen demalyp júrgen.
«10 shildede 18:00-de 112 nómirine Jasybai demalys aimaǵynda jedel-qutqarý jasaǵy Resei Federatsiiasynyń azamatyn shyńnan evakýatsiialaǵan. 1966 jylǵy azamat abaisyzda eki metrlik biiktikten qulap, aýdandyq aýrýhanaǵa jetkizildi», - dedi vedomstvoda.
Baianaýyl aýdandyq TJ bóliminde týristik Jasybaida jubaiymen birge demalyp júrgenin aitty.
«Ol taýda jubaiymen birge bolǵan. Týrist taýǵa sýretke túsý úshin shyqqan. Taýdyń biiktigi 130 metr. Er adam eki metrge kóterilip, aiaǵy qaiyrylyp qalǵan. Óz-ózin ustai almai, tómen qarai qulaǵan. Áieli týrbazaǵa kelip, oqiǵa týraly habarlaǵan», - dedi bólimniń bas mamany, azamattyq qorǵanys polkovnigi Daniiar Toqatov.
Habarlamany TJ men jedel járdemge jibergen. Densaýlyq saqtaý basqarmasynan atap ótkendei, oń aiaǵy synǵan er adam alǵashqyda aýdandyq aýrýhanaǵa, keiin birinshi Pavlodar qalalyq aýrýhanasyna jetkizilgen.
«Naýqas tolyqtai em qabyldap jatyr, onyń jaǵdaiy ortasha aýyr dep baǵalanyp otyr», - dedi basqarmadan.
