پاۆلودار وبلىسى باياناۋىل اۋدانىندا 53 جاستاعى رەسەيلٸك تۋريست شىڭنان قۇلادى. ونىڭ وڭ اياعى سىنىپ, اۋداندىق اۋرۋحاناعا جەتكٸزٸلدٸ, دەپ حابارلايدى pavlodarnews.kz.
تج ٶڭٸرلٸك دەپارتامەنتٸنەن حابارلانعانداي, 53 جاستاعى رەسەيلٸك جاسىباي كٶلٸندە تۋربازامەن دەمالىپ جٷرگەن.
«10 شٸلدەدە 18:00-دە 112 نٶمٸرٸنە جاسىباي دەمالىس ايماعىندا جەدەل-قۇتقارۋ جاساعى رەسەي فەدەراتسيياسىنىڭ ازاماتىن شىڭنان ەۆاكۋاتسييالاعان. 1966 جىلعى ازامات ابايسىزدا ەكٸ مەترلٸك بيٸكتٸكتەن قۇلاپ, اۋداندىق اۋرۋحاناعا جەتكٸزٸلدٸ», - دەدٸ ۆەدومستۆودا.
باياناۋىل اۋداندىق تج بٶلٸمٸندە تۋريستٸك جاسىبايدا جۇبايىمەن بٸرگە دەمالىپ جٷرگەنٸن ايتتى.
«ول تاۋدا جۇبايىمەن بٸرگە بولعان. تۋريست تاۋعا سۋرەتكە تٷسۋ ٷشٸن شىققان. تاۋدىڭ بيٸكتٸگٸ 130 مەتر. ەر ادام ەكٸ مەترگە كٶتەرٸلٸپ, اياعى قايىرىلىپ قالعان. ٶز-ٶزٸن ۇستاي الماي, تٶمەن قاراي قۇلاعان. ەيەلٸ تۋربازاعا كەلٸپ, وقيعا تۋرالى حابارلاعان», - دەدٸ بٶلٸمنٸڭ باس مامانى, ازاماتتىق قورعانىس پولكوۆنيگٸ دانييار توقاتوۆ.
حابارلامانى تج مەن جەدەل جەردەمگە جٸبەرگەن. دەنساۋلىق ساقتاۋ باسقارماسىنان اتاپ ٶتكەندەي, وڭ اياعى سىنعان ەر ادام العاشقىدا اۋداندىق اۋرۋحاناعا, كەيٸن بٸرٸنشٸ پاۆلودار قالالىق اۋرۋحاناسىنا جەتكٸزٸلگەن.
«ناۋقاس تولىقتاي ەم قابىلداپ جاتىر, ونىڭ جاعدايى ورتاشا اۋىر دەپ باعالانىپ وتىر», - دەدٸ باسقارمادان.
