Eldegi 53 qalanyń kárizdik-tazartý júiesin jetildirýge 516 mlrd teńge kerek. QR Indýstriia jáne infraqurylymdyq damý birinshi vitse-ministri Qaiyrbek Óskenbaev Úkimet otyrysynda osyndai jospardy ortaǵa saldy, dep habarlaidy QazAqparat.
«Eskirgen kárizdik–tazartý qurylystarynan lastaýshy zattar shyǵaryndylaryn azaitý úshin ministrlik elimizdiń 53 qalasynda kárizdik-tazartý qurylysyn salý jáne jańartý jobalaryn qolǵa aldy.
Osy 53 jobanyń barlyǵyn iske asyrý úshin, aldyn ala esep boiynsha, shamamen 516 mlrd teńge kerek», - degen Qaiyrbek Óskenbaev munyń bári Nur Otan partiiasynyń sailaýaldy baǵdarlamasynan týyndaitynyn eske saldy.
«2022 jyly 11 jobany bastaý josparlanǵan. 2023 jyly – 12 joba, 2024 jyly – 13 joba, 2025 jyly 17 joba iske asady.
Asqar Uzaqbaiuly, atalǵan sharalardy iske asyrý eldegi ekologiialyq jaǵdaiǵa jaǵymdy áser etedi jáne ministrlik jetekshilik etetin salalarda jasyl tehnologiialardy tereńdetýge demeý bolady. 2060 jylǵa qarai kómirtekti beitaraptyqqa qol jetkizý jónindegi strategiialyq mindetti iske asyrýǵa yqpal etedi», - dedi vedomstvo ókili.
