Foto: khabar.kz
Búgin Parlamenttiń tómengi palatasynda «Aq joldyń» partiiasy fraktsiiasy atynan depýtat Qazybek Isa Bas prokýror Asylovqa,Sybailas jemqorlyqqa qarsy agenttik tóraǵasy Jumaǵaliǵa jáne Sport ministri Myrzabosynovqa saýal joldady. Onda Qazaqstan sportyndaǵy legionerlerge jumsalyp jatqan qarajat máselesi kóterildi. Bul týraly Ult.kz habarlaidy.
Depýtattyń aitýy boiynsha, «Aq joldyń» 2021 jyly jasaǵan fýtbolǵa ketip jatqan sansyz milliardtar týraly saýaly qoǵamda úlken rezonans týdyrdy. Qazaq qazynasy arqyly baiyp otyrǵan shetel legionerleri sherýin toqtatý máselesi de qoǵamnyń qatty qoldaýyna ie boldy. Óitkeni sol kezde tek premer liganyń 150-i, iaǵni 40 paiyzy sheteldik edi.
Al biylǵy sport týraly zań jobasy tanystyrylymynda Ulybritaniia, Frantsiia, Germaniia, tipti kórshi Ózbekstan da 17-18 sport túrin ǵana qarjylandyrsa, Qazaqstan olardan 10 ese asyp túsip, 180 sport túrin qarjylandyratyny, iaǵni, ministrliktiń sportty saýyn siyr etip alǵany jaily kótergen máselemiz de kóptiń qoldaýyna ie boldy.
Óitkeni, 2018-2020 jyldary sporttyń barlyq túrlerine 646 mlrd teńge bólingen, onyń 72 paiyzynyń elimiz úshin basymdyǵy men mańyzy joq bop shyqty.
Iaǵni, sonda 3 jylda 500 mlrd-tai aqsha dalaǵa ketken be, qaida ketken?! Al 30 jylǵa kóbeitsek,bul, 15 trillion bolady!!? Bul eldiń jyldyq biýdjetiniń 70 paiyzdaiy?!
"Bir qýanarlyǵy, qazir talqylanyp jatqan zań jobasynda osy legionerlerdi toqtatý men 180 sport túrin qysqartý sekildi máseleler sheshimin tapty", dedi ol.
"Sharshap qalǵan Arshavinder 55 mln. teńge ailyq alǵanyn bilemiz"
Tek 6 jyl ishinde (2018-2023 j.) «Samuryq-Qazyna» AQ 4 kásiptik klýbqa 138 mlrd teńge bólgen. («Astana» FK - 50,1 mlrd, «Barys» HK - 48,8 mlrd, «Astana Qazaqstan Team» velotoby - 31,5 mlrd).
Qazaqstanda eń kóp jalaqy alatyn – fýtbolshylar. Sharshap qalǵan Arshavinder 55 mln. teńge ailyq alǵanyn bilemiz. Biýdjetten, halyqtyń qaltasynan qyrýar qarjy bóletindei fýtbol memlekettiń eń mańyzdy máselesi me? Halyq qarjysyn fýtbolǵa shashyp otyrǵan Qazaqstan sekildi el álemde joq.
"Fýtboldy damysyn dep qansha qarjy bólsek te, fýtbol emes, jemqorlyq damyp jatyr", degen depýtattyń sózinshe FIFA reitingisi boiynsha 110-130-shy sońǵy oryndardamyz. Al fýtboldaǵy №1 jemqorlyq qylmys bolyp sanalatyn «kelisken oiyndar» sany boiynsha álemdik reitingte aldyńǵy 4-oryndamyz.
"Eń masqarasy sol - músheleriniń bári sheteldikter «Astana velosport» klýbyna ketip jatqan qarjynyń esebin eshkim bilmeidi. Tek «Samuryq – Qazynanyń» ózi 6 jylda 31,5 mlrd teńge aýdarǵan. Bizdiń búkil ulttyq sportymyzǵa bólinip jatqan qarjy shaitanarba aidaǵandarǵa shash-etekten shashylyp jatqan aqshanyń shiregine de jetpeidi", -dep otyr depýtat.
Al endi olar olimpiadada, Týr de Frans, Djiro de Italiia jarystary etaptarynda eshqashan Qazaqstan týyn kótergen emes. Olar tek óz elderiniń týyn kóterip, ánuranyn aitady.
"Sonda qalai, biz qazaqtyń milliardtaryn aiamai shashamyz olarǵa, olar óz elderiniń atyn shyǵarady ol aqshaǵa? Mundai qorlyqqa Qazaqstannan basqa qai el kónedi? Memleket basshysy biyl sheteldik sportshylarǵa azamattyq berip, el atynan dodaǵa qosýdy doǵarýdy tapsyrsa da, eki ai ótpei, Frantsiia men Italiiadan eki veloshabandoz alǵan Astana velosportyna ne deýge bolady?!", - dep ashyndy Qazybek Isa.
Prezident Toqaev 2023 jyly sport federatsiialaryna reviziia júrgizýdi tapsyrdy. Sodan beri ekinshi jylǵa ketip barady, bir ǵana federatsiiaǵa reviziia jasalǵan. Atyshýly fýtbol federatsiiasyna áli eshkim jolaǵan joq.
Al tórt oiynda qaqpasyna 8 gol kirgizip oisyrai utylǵan, bir de bir jeńiske jetpegen fýtboldan ulttyq quramanyń bas bapkeri, reseilik Shershesovke Barmenqulov basqaratyn fýtbol federatsiiasy 640 mln tg tóleidi deidi. Sonda biz Cherchesovke qarsylastyń emes... bizdiń ulttyq quramanyń qaqpasyna salǵyzǵan ár goly úshin 80 million teńge tólep otyrmyz!?
"Kúiingennen aitqan edik osydan 3 jyl buryn «Milliardtar jumsalyp jatqan qazaq fýtbolynda gol joq, al aýyldarda jol joq! Gol salmaityn, tek halyq qazynasyna qol salatyn, qol salǵanda mol salatyn fýtbolǵa milliardttardy bosqa shashýdy toqtatatyn ýaqyt jetti!»-dep. Sodan beri jetiskenimiz shamaly, endi el bolyp, esimizdi jiiýmyz qajet!" - dedi depýtat.
«Aq jol» fraktsiiasy usynystary:
1.Bas prokýratýra men Sybailas jemqorlyqqa qarsy agenttik barlyq sport federatsiialary men kásiptik sport klýbtaryna reviziia júrgizýi tiis.
2.Kásibi sport, fýtbol – bul negizi biznes. Sondyqtan, biýdjetke bailanǵan fýtbol jáne basqa da kásiptik klýbtardyń barlyǵyn jekeshelendirip, memleketten qarjylandyrýdy toqtatý qajet;
3.Memleket qarjysy balalar men jasóspirimder mektepterine, ulttyq sportqa, buqaralyq sportqa jumsalýy kerek.
4.Osy ýaqytqa deiin memleketten jalpy sportqa, sonyń ishinde fýtbol salasyna bólingen qarjynyń esebi berilýi tiis. Óitkeni,ol halyq qarjysy!
