فوتو: khabar.kz
بٷگٸن پارلامەنتتٸڭ تٶمەنگٸ پالاتاسىندا «اق جولدىڭ» پارتيياسى فراكتسيياسى اتىنان دەپۋتات قازىبەك يسا باس پروكۋرور اسىلوۆقا,سىبايلاس جەمقورلىققا قارسى اگەنتتٸك تٶراعاسى جۇماعاليعا جەنە سپورت مينيسترٸ مىرزابوسىنوۆقا ساۋال جولدادى. وندا قازاقستان سپورتىنداعى لەگيونەرلەرگە جۇمسالىپ جاتقان قاراجات مەسەلەسٸ كٶتەرٸلدٸ. بۇل تۋرالى Ult.kz حابارلايدى.
دەپۋتاتتىڭ ايتۋى بويىنشا, «اق جولدىڭ» 2021 جىلى جاساعان فۋتبولعا كەتٸپ جاتقان سانسىز ميللياردتار تۋرالى ساۋالى قوعامدا ٷلكەن رەزونانس تۋدىردى. قازاق قازىناسى ارقىلى بايىپ وتىرعان شەتەل لەگيونەرلەرٸ شەرۋٸن توقتاتۋ مەسەلەسٸ دە قوعامنىڭ قاتتى قولداۋىنا يە بولدى. ٶيتكەنٸ سول كەزدە تەك پرەمەر ليگانىڭ 150-ٸ, ياعني 40 پايىزى شەتەلدٸك ەدٸ.
ال بيىلعى سپورت تۋرالى زاڭ جوباسى تانىستىرىلىمىندا ۇلىبريتانييا, فرانتسييا, گەرمانييا, تٸپتٸ كٶرشٸ ٶزبەكستان دا 17-18 سپورت تٷرٸن عانا قارجىلاندىرسا, قازاقستان ولاردان 10 ەسە اسىپ تٷسٸپ, 180 سپورت تٷرٸن قارجىلاندىراتىنى, ياعني, مينيسترلٸكتٸڭ سپورتتى ساۋىن سيىر ەتٸپ العانى جايلى كٶتەرگەن مەسەلەمٸز دە كٶپتٸڭ قولداۋىنا يە بولدى.
ٶيتكەنٸ, 2018-2020 جىلدارى سپورتتىڭ بارلىق تٷرلەرٸنە 646 ملرد تەڭگە بٶلٸنگەن, ونىڭ 72 پايىزىنىڭ ەلٸمٸز ٷشٸن باسىمدىعى مەن ماڭىزى جوق بوپ شىقتى.
ياعني, سوندا 3 جىلدا 500 ملرد-تاي اقشا دالاعا كەتكەن بە, قايدا كەتكەن?! ال 30 جىلعا كٶبەيتسەك,بۇل, 15 تريلليون بولادى!!? بۇل ەلدٸڭ جىلدىق بيۋدجەتٸنٸڭ 70 پايىزدايى?!
"بٸر قۋانارلىعى, قازٸر تالقىلانىپ جاتقان زاڭ جوباسىندا وسى لەگيونەرلەردٸ توقتاتۋ مەن 180 سپورت تٷرٸن قىسقارتۋ سەكٸلدٸ مەسەلەلەر شەشٸمٸن تاپتى", دەدٸ ول.
"شارشاپ قالعان ارشاۆيندەر 55 ملن. تەڭگە ايلىق العانىن بٸلەمٸز"
تەك 6 جىل ٸشٸندە (2018-2023 ج.) «سامۇرىق-قازىنا» اق 4 كەسٸپتٸك كلۋبقا 138 ملرد تەڭگە بٶلگەن. («استانا» فك - 50,1 ملرد, «بارىس» حك - 48,8 ملرد, «Astana Qazaqstan Team» ۆەلوتوبى - 31,5 ملرد).
قازاقستاندا ەڭ كٶپ جالاقى الاتىن – فۋتبولشىلار. شارشاپ قالعان ارشاۆيندەر 55 ملن. تەڭگە ايلىق العانىن بٸلەمٸز. بيۋدجەتتەن, حالىقتىڭ قالتاسىنان قىرۋار قارجى بٶلەتٸندەي فۋتبول مەملەكەتتٸڭ ەڭ ماڭىزدى مەسەلەسٸ مە? حالىق قارجىسىن فۋتبولعا شاشىپ وتىرعان قازاقستان سەكٸلدٸ ەل ەلەمدە جوق.
"فۋتبولدى دامىسىن دەپ قانشا قارجى بٶلسەك تە, فۋتبول ەمەس, جەمقورلىق دامىپ جاتىر", دەگەن دەپۋتاتتىڭ سٶزٸنشە فيفا رەيتينگٸسٸ بويىنشا 110-130-شى سوڭعى ورىنداردامىز. ال فۋتبولداعى №1 جەمقورلىق قىلمىس بولىپ سانالاتىن «كەلٸسكەن ويىندار» سانى بويىنشا ەلەمدٸك رەيتينگتە الدىڭعى 4-ورىندامىز.
"ەڭ ماسقاراسى سول - مٷشەلەرٸنٸڭ بەرٸ شەتەلدٸكتەر «استانا ۆەلوسپورت» كلۋبىنا كەتٸپ جاتقان قارجىنىڭ ەسەبٸن ەشكٸم بٸلمەيدٸ. تەك «سامۇرىق – قازىنانىڭ» ٶزٸ 6 جىلدا 31,5 ملرد تەڭگە اۋدارعان. بٸزدٸڭ بٷكٸل ۇلتتىق سپورتىمىزعا بٶلٸنٸپ جاتقان قارجى شايتاناربا ايداعاندارعا شاش-ەتەكتەن شاشىلىپ جاتقان اقشانىڭ شيرەگٸنە دە جەتپەيدٸ", -دەپ وتىر دەپۋتات.
ال ەندٸ ولار وليمپيادادا, تۋر دە فرانس, دجيرو دە يتالييا جارىستارى ەتاپتارىندا ەشقاشان قازاقستان تۋىن كٶتەرگەن ەمەس. ولار تەك ٶز ەلدەرٸنٸڭ تۋىن كٶتەرٸپ, ەنۇرانىن ايتادى.
"سوندا قالاي, بٸز قازاقتىڭ ميللياردتارىن اياماي شاشامىز ولارعا, ولار ٶز ەلدەرٸنٸڭ اتىن شىعارادى ول اقشاعا? مۇنداي قورلىققا قازاقستاننان باسقا قاي ەل كٶنەدٸ? مەملەكەت باسشىسى بيىل شەتەلدٸك سپورتشىلارعا ازاماتتىق بەرٸپ, ەل اتىنان دوداعا قوسۋدى دوعارۋدى تاپسىرسا دا, ەكٸ اي ٶتپەي, فرانتسييا مەن يتالييادان ەكٸ ۆەلوشاباندوز العان استانا ۆەلوسپورتىنا نە دەۋگە بولادى?!", - دەپ اشىندى قازىبەك يسا.
پرەزيدەنت توقاەۆ 2023 جىلى سپورت فەدەراتسييالارىنا رەۆيزييا جٷرگٸزۋدٸ تاپسىردى. سودان بەرٸ ەكٸنشٸ جىلعا كەتٸپ بارادى, بٸر عانا فەدەراتسيياعا رەۆيزييا جاسالعان. اتىشۋلى فۋتبول فەدەراتسيياسىنا ەلٸ ەشكٸم جولاعان جوق.
ال تٶرت ويىندا قاقپاسىنا 8 گول كٸرگٸزٸپ ويسىراي ۇتىلعان, بٸر دە بٸر جەڭٸسكە جەتپەگەن فۋتبولدان ۇلتتىق قۇرامانىڭ باس باپكەرٸ, رەسەيلٸك شەرشەسوۆكە بارمەنقۇلوۆ باسقاراتىن فۋتبول فەدەراتسيياسى 640 ملن تگ تٶلەيدٸ دەيدٸ. سوندا بٸز چەرچەسوۆكە قارسىلاستىڭ ەمەس... بٸزدٸڭ ۇلتتىق قۇرامانىڭ قاقپاسىنا سالعىزعان ەر گولى ٷشٸن 80 ميلليون تەڭگە تٶلەپ وتىرمىز!?
"كٷيٸنگەننەن ايتقان ەدٸك وسىدان 3 جىل بۇرىن «ميللياردتار جۇمسالىپ جاتقان قازاق فۋتبولىندا گول جوق, ال اۋىلداردا جول جوق! گول سالمايتىن, تەك حالىق قازىناسىنا قول سالاتىن, قول سالعاندا مول سالاتىن فۋتبولعا ميللياردتتاردى بوسقا شاشۋدى توقتاتاتىن ۋاقىت جەتتٸ!»-دەپ. سودان بەرٸ جەتٸسكەنٸمٸز شامالى, ەندٸ ەل بولىپ, ەسٸمٸزدٸ جييۋمىز قاجەت!" - دەدٸ دەپۋتات.
«اق جول» فراكتسيياسى ۇسىنىستارى:
1.باس پروكۋراتۋرا مەن سىبايلاس جەمقورلىققا قارسى اگەنتتٸك بارلىق سپورت فەدەراتسييالارى مەن كەسٸپتٸك سپورت كلۋبتارىنا رەۆيزييا جٷرگٸزۋٸ تيٸس.
2.كەسٸبي سپورت, فۋتبول – بۇل نەگٸزٸ بيزنەس. سوندىقتان, بيۋدجەتكە بايلانعان فۋتبول جەنە باسقا دا كەسٸپتٸك كلۋبتاردىڭ بارلىعىن جەكەشەلەندٸرٸپ, مەملەكەتتەن قارجىلاندىرۋدى توقتاتۋ قاجەت;
3.مەملەكەت قارجىسى بالالار مەن جاسٶسپٸرٸمدەر مەكتەپتەرٸنە, ۇلتتىق سپورتقا, بۇقارالىق سپورتقا جۇمسالۋى كەرەك.
4.وسى ۋاقىتقا دەيٸن مەملەكەتتەن جالپى سپورتقا, سونىڭ ٸشٸندە فۋتبول سالاسىنا بٶلٸنگەن قارجىنىڭ ەسەبٸ بەرٸلۋٸ تيٸس. ٶيتكەنٸ,ول حالىق قارجىسى!
