© Sputnik / Abzal Kaliev
Antikor sheneýnikten 50 million teńge bopsalaǵan jýrnalist jáne bloger Toqbergen Ábievtiń isine qatysty mán-jaidy aitty, - dep habarlaidy "Ult aqparat".
Vedomstvo baspasóz qyzmetiniń málimetinshe, Sybailas jemqorlyqqa qarsy qyzmet buqaralyq aqparat quraldarynda ziiandy málimetterdi taratý jáne óziniń Youtube-arnasynda shyndyqqa sáikes kelmeitin beinejazbalardy joiý úshin kásipkerden asa iri mólsherde aqsha bopsalady degen kúdikpen azamat T. Ábievtiń qylmystyq áreketiniń jolyn kesken.
Byltyr 14 jeltoqsanda Ábiev 50 million teńgemen ustalyp, sottyń sanktsiiasymen 2 ai merzimge qamaýǵa alynǵan.
Odan bólek, Ábiev memlekettik organdar qyzmetkerleri men azamattardy adastyrý maqsatynda "Sybailas jemqorlyqqa qarsy kúres departamenti" JShS jeke zańdy tulǵasyn tirkegeni anyqtaldy.
Ábiev atalǵan uiym basshysy bolyp kórinip, sol arqyly bilik ókiliniń beinesin jasai otyryp, kásipkerler men memlekettik organdardyń laýazymdy adamdarynan óziniń jeke múddesi úshin is-áreketter jasaýdy, sondai-aq zańda belgilengen tártipti buza otyryp aqparat pen materialdar berýdi talap etken.
"Ol tek ózine-ózi qyzmet etý sebepterin kózdei otyryp, aqshalai syiaqylar úshin jeke tulǵalarǵa óz uiymy qyzmetkeriniń qyzmettik kýálikterin berip, olardy bilik ókiliniń mártebesi týraly jańylystyrdy. Alaida Ábievtiń qyzmeti quqyq qorǵaý organdarynyń jumysymen eshqandai bailanysty emes.
Ábievtiń basqa da osyǵan uqsas qylmystarǵa qatysy týraly aqparat tekseriledi" - delingen habarlamada.
Sybailas jemqorlyqqa qarsy qyzmet ókilderi Ábievtiń zańsyz qyzmetiniń barlyq osyndai deregi týraly 1424 nómiri boiynsha habarlasýdy suraidy.
QR QPK-niń 201-babyna sáikes ózge aqparat jariia etýge jatpaidy.
