Foto: UQK Shekara qyzmeti
UQK Shekara qyzmetiniń áskeri qyzmetkerleri Qostanai oblysyndaǵy shekarada 50 million teńgeniń temekisin zańsyz alyp ótpek bolǵan sheteldikti ustady, - dep habarlaidy "Ult aqparat" vedomstvonyń baspasóz qyzmetine silteme jasap.
"17 mamyrda «Qairaq» avtokólik ótkizý pýnktinde UQK Shekara qyzmeti Qostanai oblysy boiynsha departamentiniń áskeri qyzmetkerleri shetel azamaty tizgindegen júk kóligin tekserý barysynda aktsizdik markileri men ilespe qujattary joq 205 qorap temeki tapty.
Tárkilengen taýardyń quny aldyn ala esep boiynsha 50 mln teńgeden asady", - delingen habarlamada.
Qosymsha tergeý júrgizý úshin quqyq buzýshy men anyqtalǵan júk oblystyq Ekonomikalyq tergeý departamentiniń qyzmetkerlerine tapsyryldy.
