Aldaǵy 5 jylda spýtinktik jáne LoRaWAN tehnologiialary barlyq aýyl sharýashylyǵy keshenine jetkiziletin bolady. Bul týraly búgin Úkimet otyrysynda QR Tsifrlyq damý, innovatsiialar jáne aeroǵarysh ónerkásibi ministri Baǵdat Mýsin aitty, dep habarlaidy QazAqparat.
«Aýyl sharýashylyǵynda tsifrlyq sheshimderdi engizý úshin tiisti bailanys infraqurylymy qajet. Tsifrly aqyldy quraldardy, ólsheý qurylǵylaryn jáne basqa da datchikterdi qosý úshin aqparatty tasylmaldaý negizgi másele bolyp tur. Bul jumystyń aiasynda spýtinktik tehnologiialar jáne LoRaWAN sekildi basqa da standarttardy qoldaný boiynsha pilottyq joba júrgizdik», - dedi ministr.
Onyń aitýynsha, atalǵan tehnologiialardy aýyl sharýashylyǵy kesheniniń barlyǵyna jetkizý ministrliktiń aldaǵy 5 jyldaǵy bas maqsaty sanalady.
«Ol 100 mln gektar jer kólemin qamtidy. Memlekettik-jekeshelik áriptestik jobasy retinde 50 mlrd teńgege jýyq investitsiia tartý kózdelip otyr. Qajetti bailanys qurylǵylary men qyzmetter shyǵyndaryn sýbsidiialaý tetikterin engizýde qarastyrylýy tiis», - dedi Baǵdat Mýsin.
