الداعى 5 جىلدا سپۋتينكتٸك جەنە LoRaWAN تەحنولوگييالارى بارلىق اۋىل شارۋاشىلىعى كەشەنٸنە جەتكٸزٸلەتٸن بولادى. بۇل تۋرالى بٷگٸن ٷكٸمەت وتىرىسىندا قر تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين ايتتى, دەپ حابارلايدى قازاقپارات.
«اۋىل شارۋاشىلىعىندا تسيفرلىق شەشٸمدەردٸ ەنگٸزۋ ٷشٸن تيٸستٸ بايلانىس ينفراقۇرىلىمى قاجەت. تسيفرلى اقىلدى قۇرالداردى, ٶلشەۋ قۇرىلعىلارىن جەنە باسقا دا داتچيكتەردٸ قوسۋ ٷشٸن اقپاراتتى تاسىلمالداۋ نەگٸزگٸ مەسەلە بولىپ تۇر. بۇل جۇمىستىڭ اياسىندا سپۋتينكتٸك تەحنولوگييالار جەنە LoRaWAN سەكٸلدٸ باسقا دا ستاندارتتاردى قولدانۋ بويىنشا پيلوتتىق جوبا جٷرگٸزدٸك», - دەدٸ مينيستر.
ونىڭ ايتۋىنشا, اتالعان تەحنولوگييالاردى اۋىل شارۋاشىلىعى كەشەنٸنٸڭ بارلىعىنا جەتكٸزۋ مينيسترلٸكتٸڭ الداعى 5 جىلداعى باس ماقساتى سانالادى.
«ول 100 ملن گەكتار جەر كٶلەمٸن قامتيدى. مەملەكەتتٸك-جەكەشەلٸك ەرٸپتەستٸك جوباسى رەتٸندە 50 ملرد تەڭگەگە جۋىق ينۆەستيتسييا تارتۋ كٶزدەلٸپ وتىر. قاجەتتٸ بايلانىس قۇرىلعىلارى مەن قىزمەتتەر شىعىندارىن سۋبسيدييالاۋ تەتٸكتەرٸن ەنگٸزۋدە قاراستىرىلۋى تيٸس», - دەدٸ باعدات مۋسين.
