Úkimet otyrysynda Premer-Ministr Asqar Mamin Nur-Sultan, Almaty, Shymkent qalalary men Qyzylorda, Mańǵystaý oblystaryndaǵy debitorlyq bereshektiń ósip jatqany týraly aitty, dep habarlaidy "Ult aqparat".
Búgingi Úkimet otyrysynda ótken jylytý maýsymynyń qorytyndysy men kelesi maýsymǵa daiyndyq sharalary talqylandy.
Premer-Ministr ótken jylytý maýsymy qalypty rejimde bolǵanyn atap, aldaǵy maýsymǵa sapaly daiyndyqty qazirden bastap ketý kerektigin eskertti.
«1 maýsymǵa deiin Turǵyn úi-kommýnaldyq sharýashylyq, turǵyn úi jáne áleýmettik sala obektilerin daiyndaý boiynsha is-sharalar josparlaryn bekitýdi tapsyramyn. Soltústik jáne shyǵys óńirleriniń aýa raiy jaǵdailaryn eskere otyryp, 1 qyrkúiekke deiin – bilim berý uiymdarynyń, 15 qazanǵa deiin barlyq injenerlik infraqurylymnyń, turǵyn úi-kommýnaldyq sharýashylyq, turǵyn úi jáne áleýmettik sala obektileriniń tolyǵymen daiyn bolýyn qamtamasyz etý qajet», - degen Premer-Ministr jaýapty sala basshylaryna tutynýshylardyń debitorlyq bereshegin tómendetý jáne energiia óndiretin uiymdardyń otyn jetkizýshilerdiń aldyndaǵy bereshegin óteý boiynsha sharalar qabyldaýdy júktedi.
«Ásirese, Nur-Sultan, Almaty, Shymkent qalalary men Qyzylorda, Mańǵystaý oblystarynyń ákimdikteri debitorlyq bereshektiń ósý problemasyna nazar aýdarsyn», - dedi Asqar Mamin.
