Foto: UQK
QR IIM málimdegendei, Almatyda UQK men politsiia qyzmetkerleri prokýratýranyń úilestirýimen qylmystyq topqa qatysy bar jeke kúzet mekemesiniń zańsyz áreketteriniń jolyn kesti, dep habarlaidy Ult.kz.
Tergeý barysynda bul top oiyn-saýyq oryndarynyń ieleri men qyzmetkerlerine qysym kórsetip, nysandardy kúshpen basyp alyp otyrǵany anyqtaldy. Keiin bul jerlerde «qaýipsizdik» qyzmetin júrgizgen.
Qylmystyq top Almaty qalasy men birneshe oblysta áreket etken: Jetisý, Túrkistan, Mańǵystaý, Jambyl jáne Almaty. Barlyǵy 20 adam ustaldy, 40-tan astam tintý júrgizilip, 7 atys qarýy men 100-den asa oq-dári tárkilendi.
Qazirgi tańda buzaqylyq, bopsalaý, adam urlaý, óz betimen bilik júrgizý jáne densaýlyqqa ziian keltirý faktileri boiynsha qylmystyq ister qozǵaldy. Top jetekshisi men múshelerine qatysty uiymdasqan qylmystyq top qurý jáne oǵan qatysý boiynsha tergeý bastaldy.
