Shymkentte qylmystyq ortada «Diadia Vania» laqap atymen tanymal Ivan Gerr jáne taǵy birneshe kúdikti ustaldy, dep habarlaidy ult.kz.
Prokýratýra, UQK jáne politsiia qyzmetkerleriniń birlesken operatsiiasy barysynda kúdiktilerdiń qala turǵynynan qaryz óndirmek bolǵany anyqtalǵan.
Tergeý málimetinshe, Gerr men onyń sybailastary er adamdy kezdesýge shaqyryp, oǵan qysym kórsetken. Nátijesinde jábirlenýshi 5 mln teńge qaryzy bar ekeni týraly qolhat jazyp, qolyndaǵy aqshasyn berýge májbúr bolǵan.
Er adam quqyq qorǵaý organdaryna aryzdanǵan. Osy derek boiynsha «Ózinshe bilik etý» baby boiynsha qylmystyq is qozǵaldy.
Kúdiktiler ustalyp, qazir olarǵa qatysty bultartpaý sharasyn tańdaý máselesi sheshilip jatyr. Atalǵan adamdardyń kinási sotta dáleldengenge deiin olar kinásiz dep esepteledi.
