Batys Qazaqstan oblysy boiynsha UQK departamentiniń qyzmetkerleri bes million teńge kóleminde para alý kezinde «Ohotzooprom» ÓB» RMQK Batys óńirlik filialynyń basshysy Arman Qojahmetovti ustady, dep habarlaidy ult.kz.
Bul týraly quqyq qorǵaýshy Baýyrjan Záki óziniń Instagram paraqshasynda habarlaǵan.
«Moi GOROD» basylymynyń aldyn ala málimeti boiynsha, filial basshysy kásipkerden Batys Qazaqstan oblysynda aqbóken aýlaýǵa ruqsat bergeni úshin bes million teńge talap etken.
Quqyq qorǵaýshynyń málimetinshe, 48 jastaǵy Arman Qojahmetov 2020 jyldan beri Ekologiia jáne tabiǵi resýrstar ministrligi Orman sharýashylyǵy jáne janýarlar dúniesi komitetine qarasty «Ohotzooprom» ÓB» RMQK Batys óńirlik filialyn basqaryp kelgen.
Oqiǵaǵa qatysty qylmystyq is boiynsha tergeý júrgizilip jatyr. Ózge málimetter ázirge jariialanǵan joq.
