Foto: Tengrinews.kz
QR Prezidenti Qasym-Jomart Toqaev 5 maýsymda respýblikalyq referendým ótkizý týraly Jarlyqqa qol qoidy, dep habarlaidy "Ult aqparat" Aqordanyń resmi saityna silteme jasap.
"Qazaqstan Respýblikasy Konstitýtsiianyń 91-babynyń 1-tarmaǵyna jáne «Respýblikalyq referendým týraly» Qazaqstan Respýblikasy Konstitýtsiialyq zańynyń 18-babyna sáikes QAÝLY ETEMIN:
1. 2022 jylǵy 5 maýsymda respýblikalyq referendým ótkizilsin.
2. «Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly» Qazaqstan Respýblikasy Zańynyń jobasy «2022 jylǵy 6 mamyrda buqaralyq aqparat quraldarynda jariialanǵan «Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly» Qazaqstan Respýblikasy Zańynyń jobasynda baiandalǵan Qazaqstan Respýblikasynyń Konstitýtsiiasyna ózgerister men tolyqtyrýlardy qabyldaisyz ba?» degen tujyrymdaǵy saýal qoiylyp, respýblikalyq referendýmǵa shyǵarylsyn.
3. Osy Jarlyq jáne «Qazaqstan Respýblikasynyń Konstitýtsiiasyna ózgerister men tolyqtyrýlar engizý týraly» Qazaqstan Respýblikasy Zańynyń jobasy 2022 jylǵy 6 mamyrda buqaralyq aqparat quraldarynda resmi túrde jariialansyn.
4. Respýblikalyq referendýmdy uiymdastyrý men ótkizý Referendýmnyń ortalyq komissiiasynyń qyzmetin atqaratyn Ortalyq sailaý komissiiasyna, sondai-aq referendýmnyń aýmaqtyq jáne ýchaskelik komissiialarynyń qyzmetin atqaratyn aýmaqtyq jáne ýchaskelik sailaý komissiialaryna júktelsin.
5. Qazaqstan Respýblikasynyń Úkimeti Qazaqstan Respýblikasynyń Ortalyq sailaý komissiiasymen, Qazaqstan Respýblikasynyń basqa da ortalyq memlekettik organdarymen jáne jergilikti atqarýshy organdarymen birlesip, respýblikalyq referendýmdy uiymdastyrý men ótkizý jóninde qajetti sharalar qabyldasyn" - delingen Jarlyq mátininde.
Jarlyq jariialanǵan kúninen bastap qoldanysqa engiziledi.
