Almatyda jyldyń eń aýqymdy Kitap Fest Kids kitap festivali ótedi. Qarashanyń besine josparlanǵan kitap dýmany biylǵy balalar jylyna orai uiymdastyrylyp otyr. Almaty qalasy ákimdiginiń qoldaýymen «BAURZHAN foundation» qory ótkizip jatqan «Kitapfest» kitap festivali - 2014 jyldan beri jyl saiyn uiymdastyrylatyn dástúrli mádeni-buqaralyq is-shara. 8 jyl ishinde KitapFest-te tanymal qazaqstandyq avtorlar men baspagerlerdiń qatysýymen 150-den astam kitaptyń tusaýkeseri ótken. Bul joba segiz jyl ishinde shyǵarmashylyqqa qushtar jandar úshin aýqymdy ári biregei alańǵa ainalyp úlgerdi.
Biylǵy Kitap Fest kids festivali Qazaqstandaǵy balalar jylyna arnalǵan, sondyqtan is-shara aýqymdy balalar baǵdarlamasyn qamtidy. Onyń ishinde Liliia Klaýs, Gúlnar Jandybaeva, Gúljan Sársenova, Ásel Sapaqova jáne taǵy basqa kóptegen balalar jazýshylarymen kezdesý, «Tańys bolaiyq! Batyr», «Bólisý degen - baqyt», «Batý men onyń dostarynyń shytyrman oqiǵalary» syndy jańa týyndylardyń tusaýkeseri ótedi.
Kitap Fest Kids baǵdarlamasy:
- Kitap almasý, sórelerdi ártúrli janrdaǵy qyzyqty kitaptarmen tolyqtyrýdyń biregei múmkindigi.
- Jazýshylar shatyry, otandyq jazýshylar óz kitaptaryn tanystyryp, pikir almasady.
- «Oflain kitaptar týraly» shatyry, tanymal balalar jazýshylary, blogerler jáne tabysty áielder qaýymy óz tájiribelerimen bólisedi.
- Kitap jármeńkesi, kitap dúkenderi, baspagerler jáne internet-dúkenderi óz ónimderin kórmede usynady, Festival barysynda qalaǵan ádebietti 20%-ǵa deiin jeńildikpen satyp alý.
- Balalarǵa arnalǵan oiyn-saýyq baǵdarlamasy, animatorlar, teatr qoiylymdary, sheberlik synyptary, akvagrim men túrli qyzyqty baiqaýlar kelgen qonaqtarǵa tamasha kóńil-kúi syilamaq.
Sondai-aq, festivalde alǵash ret «Aýylǵa kitap» aktsiiasy ótedi, onda kez-kelgen oqyrman óz kitabyn Qazaqstannyń aýyldyq kitaphanalaryna ótkize alady.
Aita keteiik, BAURZHAN Foundation áleýmettik jobalardy júzege asyrýmen ainalysady. Qazirgi KITAP FEST KIDS festivaliniń maqsaty-balalardyń kitapqa degen qyzyǵýshylyǵyn arttyrý, oqyrman mádenietin damytý, jazýshylar men olardyń oqyrmandary úshin biryńǵai alań qurý.
