Ómir boiyna bas bostandyǵynan aiyrylǵan almatylyq Igor Dýjnov jazasyn Qostanai oblysynda óteitin boldy. Bul týraly IIM Qylmystyq-atqarý júiesi komitetiniń baspasóz qyzmeti málim etti, dep habarlaidy QazAqparat.
Vedomstva málimetinshe, QR QK 99-babynyń 2-bólimi («Eki jáne odan da kóp adamdy óltirý») boiynsha ómir boiyna bas bostandyǵynan aiyrylǵan sottalýshy ótken jyldyń qazanynan bastap Almatynyń tergeý izoliatorynda jazasyn ótep jatyr.
«Qazaqstanda 80 túzeý mekemesi bar. Olardyń bireýi ǵana Qostanai oblysy boiynsha QAJD ÝK-161/3 ómir boiyna sottalǵan adamdarǵa arnalǵan. Djýnov merzimin óteitin tótenshe qaýipsizdik mekemesi Jitiqara qalasynan 25 shaqyrym jerde ornalasqan», - dep habarlady IIM Qylmystyq-atqarý júiesi komitetiniń baspasóz qyzmeti.
Buǵan deiin sot Igor Dýjnovqa ómir boiyna bas bostandyǵynan aiyrý jazasyn taǵaiyndaǵany týraly habarlaǵan edik.
Eske salaiyq, byltyr 20 qyrkúiek kúni Almatyda jeke úilerdiń birine kelgen sot oryndaýshyǵa, ýchaskelik politsiia inspektorlaryna úi iesi - 1967 jyly týǵan azamat oq atty.
Qyzmet barysynda bes adam, onyń ishinde eki politsiia qyzmetkeri oqtan jaraqat alyp, kóz jumdy.
Qaza tapqan politseilerdiń biriniń artynda – 5, ekinshisinde 2 bala qaldy.
