©️ Tengrinews.kz / Turar Qazanǵapov
IIM terroristik turǵydan osal nysandardyń terrorizmge qarsy qorǵalýyn tekserýdi jalǵastyryp keledi, - dep habarlaidy «Ult aqparat» Polisia.kz saityna silteme jasap.
Búginde aimaqtyq tizimderge terroristik turǵydan osal sanatqa jatatyn adam kóp jinalatyn 17 myńnan asa nysan engizildi. Jyl basynan beri 1804 nysan tekserilgen.
"Onyń ishinde oiyn-saýyq ortalyqtary, iri saýda jáne qoǵamdyq tamaqtaný oryndary, bilim berý uiymdary bar. Tekserý nátijesinde zańnamada belgilengen qaýipsizdik talaptaryn buzýdyń 581 deregi anyqtaldy. Kemshilikter alǵash ret anyqtalǵan obektilerdiń basshylary men menshik ielerine naqty ýaqyttyń kórsetilýimen olardy joiý týraly nusqamalar berildi", - delingen habarlamada.
Sonymen qatar, senip tapsyrylǵan obektiniń terrorizmge qarsy qorǵalýyn qamtamasyz etý jónindegi talaptardy birneshe ret buzǵandarǵa ÁQBtK-niń 149-baby boiynsha 180 ákimshilik material toltyryldy. 48 million teńge aiyppul salynǵan.
"Tekserýler tek kemshilikterdi anyqtaýmen ǵana shektelmeidi. Politsiia qyzmetkerleri mekeme personalynyń, sondai-aq kúzet qyzmetiniń tótenshe jaǵdailardaǵy is-qimyldary týraly bilimi men daǵdylarynyń deńgeiin anyqtap, olarǵa sabaq ótkizedi. Mundai túsindirý jumystarymen 40 myńǵa jýyq qyzmetker qamtyldy", – dedi vedomstvo.
Ishki ister ministrligi obektilerdiń basshylary men menshik ielerin zańmen belgilengen qaýipsizdik talaptaryn saqtaýǵa shaqyrady. Olardyń naqty jáne sapaly oryndalýy – azamattardyń qaýipsizdiginiń kepili.
